مدهش إنتخابات 2011

لا شك إن الإنتخابات هذه المرة جديرة بالإهتمام ومليئة بما يستحق الحديث عنه ... 

وغير أن الدوائر كبيرة جدا لدرجة إن معظم الناخبين لا يعرفون كيف يكون الإختيار بين هذا العدد الكبير من المرشحين ... ولأن الدوائر متسعه فلن يكونوا متأكدين من معرفتهم لهذا أو ذاك ومن الأصلح ..!!! 

وحتى لو أن مصائب قوم عند قوم فوائد(و) وكله فى صالح الفئة المنظمة مسبقا واللى نعرفه أحسن من اللى منعرفوش .... 

( معلش نقلب بالعامية شوية ... لزوووووووووم الشئ يعنى )

كل اللى فات ده فله أوى وتمااااااام خالص

لكن الجديد فى المرادى الرموز المثيرة للإهتمام والتى جاء تقسيمها غاية فى الذكاء ( معرفش مين وضعها ؟؟ ) فقد جاءت تلك الرموز ممثله تمثيلا رائعا لأطياف الشعب وحالاتهم وأيضا حسب إهتماماتهم !!!

يعنى ممكن جدا يكون المقصود ( لو متعرفش المرشحين إدى صوتك للرمز اللى يمثلك ويمثل إهتمامك ...... ) ولا أسهل من كده ... ومحدش له حجه هاااا ؟

فى الحقيقه الرموز دى شغلتنى جدااا وفى البداية كنت بحفظ إسم المرشح ورمزه ( نوع من الثقافه يعنى ) ... بس بصراحة لقيتنى بنسى الأسماء خالص !!!! وقعدت أتابع طول الطريق الرموز فقط  يمكن لاقيتها جاذبة للإهتمام أكثر ... وأهى برضه فيها الخير والبركة 

نيجى بقى للتقسيم العبقرى ( طبعا غير المعلن بس على مييييييين جبته ^_^ ) 

* لو كنت مهتم بالرياضة : 

خد عندك 

- كرة القدم 

- شبكة كرة القدم 

- شبكة كرة السله 

- مضرب تنس الطاوله 

* ولو كانت أزمة السكن عاملالك مشكلة : 

فعليك الإختيار بين 

- المنزل .... ولو إخترته ... (هيبقى فيه كماليات مهمه بعد شوية )

أو عندك 

- الكرة الأرضية ... (واسعه وشرحه وبرحه إختاااااااار اللى انت عايزه واسكن فيه )

نيجى بقى لو إخترت المنزل فيه كماليات مش هنسيبك كده شوف ... 

- السلم 

- المنضده 

- الكرسى 

- النجفة 

- الأباجورة 

- المروحه 

- المصباح الكهربائى 

- كشاف الإضاءه ( عشان لو الكهربا قطعت ) 

* وطبعا المنزل مينعش من غير مطبخ منسيوش ده كمان اتفضل ..

- خلاط السوائل 

- براد الشاى 

- الفنجان 

- زجاجة المياة 

- ثمرة الموز 

- ثمرة الجزر

- عنقود العنب

- الديك ( مفيش فرااااااااخ )

* وللناس اللى بيشتكو من أزمة المواصلات ..

- السيارة

- التاكسى 

- الميكروباص

- الأتوبيس

- المركب ( الشراعى )

- السفينه 

- طائرة هليكوبتر

- وكمااااان فيه ونش 0_0 ... وعجلة القيادة البحرية ( او دفة السفينه ) 

* ولأن فيه ناس عندها هوايات فمنسيوش  الطيور 

- الهدهد

- الطاووس

- النسر 

- الفراشة

وفيه الريشه كمان :)) 

* وبرضه لأن فيه ناس مهتمه بالتاريخ ..

- تمثال رمسيس

- تمثال أبو الهول 

- نفرتيتى

- القلعه 

- البرلمان !!! ( كله ؟؟ )

- الهرم 

- المسلة

* وأنواع أخرى من الهوايات والتسالى ..

- الكتاب المفتوح ( لزوم الثقافة مينفعش مقفول ) 

- البايب ( لزوم الكيف ) 

- زهرة الطاوله ... ( اتصرف انت بقى فى الطاولة نفسها ) 

* ولأن فيه ناس مهددين والبلطجية كترو وملو البلد ولازم ندافع عن نفسنا 

- المسدس 

- البندقيه 

- العصا 

- السهم 0_0

* وكان للجمال أيضا نصيب ...

- النظارة الشمسية 

- خاتم

- بوكيه ورد ( بمبىىىى )

* و المصريين بصراحة معظمهم مشغولين بالحسد ... !!! فكان لازم برضه 

- العين 

- الكف ( خمسه وخميييييييسه ) 

* يوووووووووه طولنا بس استغربت جدااااا ليه نسيو إن الشعب معظمه مريض  ليه مكنش فيه رموز تخصهم مثلاااا

- حقنة الأنسولين

- قرص الأسبرين 

- وحاجة للسكر والضغط ... 

ياللا بقى ممكن المرة الجاية ياخدوها فى الحساب

عملو اللى عليهم وسهلولنا الإختيار تماااااااااااااام 

وجاى على بالى أشكرهم جداااااااااا لأن

عن جد عن جد .. إشيا بتطييييييييير العئل ... بتاخده لوين ما بدرى بس بتاخده 

^-^

.

التدوينه المائة

هذه التدوينه سأحتفظ بها لكلمات لم أفكر بها فقط سأترك يدى تكتب حروفا وسأقرأها فى

 النهاية لأرى ما كانت وسأنير الشموع ... فربما لا أبلغ المائة الثانية أو ربما أبلغها بحال غير الحال 

وبمكان غير المكان وبزمان غير الزمان ... وربما تغيرت من داخلى مثلما ستتغير

 الأحوال والأماكن والأزمان ... فربما بلغتها بقلب غير القلب وبعقل غير العقل ...

حروف وحروف تشكلت لتكون كل ما سبق .... تختلف الحروف وتختلف الكلمات 

وتختلف العناوين .... لكن الأكيد أنها خرجت جميعا من مكان واحد ... من قلب واحد ... 

من عقل واحد ... ويد واحده هى التى دونتها .

سأدون مهما حييت ومهما أتاحت الظروف لى أن أمسك بقلمى .... سأدون وسأكون دائما

 سعيده بكتابتى وإن كانت الحروف والكلمات حزينه ... فيكفيها أنها كانت وستكون دائما 

الأذن التى تسمع الشكوى وتخفف الألم .... 

لم تكن الكتابه هوايه بقدر ما كانت صديقا يستمع ويعطى ويتحمل الحزن والغضب والألم 

... ودائما كنت أجد الراحة والحل لأى مشكلة بمجرد كتابتها ...

دمت لى يا قلمى .... ودامت نعمة ربى عليّ .... 

موسيقى .....

رغم المشاغل ......... ورغم المتاعب ... ورغم الإرهاق 

وربما 

بسبب المشاغل .... وبسبب المتاعب ...... وبسبب الإرهاق

بقصد أو بدون قصد .....  نلجأ إليها فربما يكون فيها ما لا نجده فى غيرها 

قد نصل معها لحالة فقدناها وتاهت وسط الزحام ..

زحام الأفكار ... وزحام الأصوات ... وزحام المواقف 

وبين الحين والحين أستمع إليها ثم أنسى ولا أتذكر حالتى عند سماعها إلا عندما 

تتكرر الحاله 

وخطر لى أن أدونها كحالة ضمن حالاتى التى تتكرر ..... 

لكنها تنفرد فى كونها تناقشنى ..تستمع لى ... قبل أن أستمع إليها 

تأخذنى من حيث أنا حتى تصل بى إليها ...لتتركنى فى حالة أفضل وربما تواجهنى بما

 أنا فيه 

سأستمع لها هنا فى عالمى وسأدعها تملأ بروحها الهادئة أركانه وأركانى

Zamfir

مونا مور 

بحيرة البجع

موسيقى تحفة حاصلة على جوائز الأوسكار 

فيديوهاتى

موسيقى ( فرفشة ) 

*******************

فى ليله سماها نجوم 

**********************

فيروز ( أنا لحبيبى ) 

يابلادى أنا بحبك يا بلادى

إهداء لشهداء 25 يناير 

إزاى .. محمد منير

قل لمن يفهم عنى ما أقول .. الشيخ الهلباوى

رسم على الأرض

صور طريفة

صور ورود

صور أطفال

ياسيدى على الثقافة

ربى يحميك

يااااااه على البراءة

يا أخواتى مكسووفة

يووووووه زهقتونى

مستعجل تكبر ليه  !!!!

ما شاء الله أحلى عيون

يعينى على الرقة

طب ليه كدا

ملااااك

والله تستاهل

بخخخخخ ......يامى

بجد باشا

ربى يحفظكم

أمة الرحمن