الثلاثاء، 11 سبتمبر، 2012

عقلة الإصبع






كانت من أجمل الأحلام إنى أكبر وأحصل خمسة أو ستة إبتدائى



عشان أعرف قصة عقلة الأصبع وجنية البحر ومصباح علاء الدين 


وزعلت أوى لما لغوا مقرر عقلة الإصبع ولغوا كمان سنة سته 




على حظى :(( 




ولعند دلوقتى معرفش إيه القصة





أد إيه أحلامنا كانت بريئة وبسيطه 



لكن الغريب إن كتير منها ميتحققش ونزعل 



هو احنا غلطانين فعلا لو زعلنا ؟؟طب نحلم تانى وخلاص ؟؟



كل حلم إتحقق ممكن يتنسى 



لكن صعب ننسى اللى متحققش



والواضح إننا هنكتشف إن الأحلام اللى متحققتش هى اللى كونت 



شخصياتنا 







كثير من الإكتشافات يوما ما سندركها 



بعضها مريح ... وأكثرها متعب








هناك 16 تعليقًا:

  1. فى النهاية اجمل الاشياء ان ندرك احلامنا بكل مافيها افضل كثيرا من انتظارها :)

    الى الان استمتع بقصة عقلة الاصبع وميكى وبطوط فهى تحمل احلامى الطفولية ايضا :)

    متعك الله بحياتك غاليتى وحقق امانيك ياطيبة
    دمت بود وحب وبراءة

    ردحذف
    الردود
    1. دائما تسعدينى بأول تعليق

      والله لو الاقي قصة عقلة الاصبع اشتريها :))

      احلام الطفولة بسيييطه اوى لكن كانت مؤثرة جدا


      دمت بخير

      حذف
  2. تحياتى لابداعك
    ولكن يبدو من كتاباتك فى الفترة الاخيرة انك تمرين بحالة نفسيه حزينه الى حد ما , نظرة من الحزن والالم على ما فات فى الماضى ونظرة ضبابيه الى ما هو قادم فى المستقبل ,
    ما مضى قد مضى وولى رؤى وما لم نستطع ان نحققه من احلام فلنقل انه خير لنا انه لم يتحقق فلا نعلم اين الخير ؟ ولكن فلنحاول ولنحلم من جديد كما ذكرتى فكما غنى منير ( لو بطلنا نحلم ...نمــــــوت )

    صباحك ورد بالوان مدونتك الجميله
    تحياتى

    ردحذف
    الردود
    1. صباح الخير

      شكرا لتحليلك :)

      أكثر الناس حزنا اكثرهم بحثا عن المثالية والدنيا لا يوجد بها مثالية ..

      معادله وان علمنا أطرافها تظل كما خلقنا الله نعانى ونصبر
      لكن الرضى موجود والتقدم والأحلام دائما موجوده لا يمكن أن تتركنا وان اردناها تبتعد

      الحمد لله لست حزينه لدرجة انى اصف الحال بالضباضبيه لكن دائما هناك احلام ( تزززززن) فتصيبنا بالارهاق


      دمت بخير

      حذف
  3. احنا بنفتكر كويس قوي اللي ما تحققش وننسى خالص اللي تحقق
    على فكره انا درست عقلة الاصبع ومش فاكر انها كانت لذيذه قوي
    تحياتي

    ردحذف
    الردود
    1. ههه يمكن لو انا كمان درستها كنت نسيتها
      لكن عشان مقرتهاش فضلت فاكراها :)


      دمت بخير

      حذف
  4. السلام عليكم :
    جميلة الطفولة بأحلامها البريئة فعلا
    أعتقد إن الأحلام سواء اتحققت أو لا فهى لا تنسى لأنها أصلا جزء من شخصيتنا حتى واحنا أطفال
    ومين عارف يمكن تلاقى القصة وتقرئيها وتبقى حققتى حلمك :)

    ردحذف
    الردود
    1. هههههه والله هدور عليها وربنا يسهل :))

      دمت بخير حبيبه

      حذف
  5. والله بوستك جه في وقته..
    فعلاا احلام كتير متحققتش بنفتكرها بس اللي اتحقق مناخدش بالنا منه..
    انا لحد دلوئتي بجري ورا الاحلام دي وباخدها عند :DDDD واتمنى ان ربنا يحققهالي..
    تحياتي ..

    ردحذف
    الردود
    1. مينفعش نبطل نحلم
      بلفظ تانى الاحلام هى الامل ولا حياة لمن لا امل له ازاى نعيش واحنا مبنحلمش مش ممكن

      وطول ما احنا مستنيين بكره هيفضل فيه حلم مرتبط ببكرة

      دمت بخير

      حذف
  6. واحنا صغيرين بنحلم كتير
    في بيتحقق وفي مابيتحققش
    وكمان الاحلام بتتغير من سن لسن
    وكل مابنكبر احلمنا بتكبر

    ردحذف
    الردود
    1. الاحلام الصغيرة كانت اجمل كتيييييير

      لكن طول ما بنكبر وبنشوف ونتعلم بنتغير وتتغير احلامنا

      دمت بخير يا شموسه

      حذف
  7. ليست كل الأحلام تُدرك،ولكننا ندرك كل ما نلقاه في طريق إدراكها،فسعينا لتحقيق حلم قد يسوقنا أحيانا لتحقيق احلام لم نحلمها،فإن لم نصل لتحقيق حلم حلمناه فالأكيد اننا قد حققنا بدلا منه أحلام.
    ليت كل احلامنا كانت احلام طفولة،فحلم الطفولة الذي لا يتحقق قد نذرف عليه دمعة،أما حلمنا في الكبر الذي لا يتحقق ولا نجني في الطريق لتحقيقة إدراك أحلام أخرى مضمرة نذرف عليه سنوات من عمرنا!
    ..
    كل التحية رؤى.

    ردحذف
    الردود
    1. جميلة هذه الفلسفه ومتفقه معاها جدا و بعد وقت ندرك ان مالم نحلم به وتحقق كان من رحمة الله لنا وتصحيحه للمسار الذى اخترناه لانفسنا وفى نفس الوقت قد تعلمنى معانى الصبر والرضى والالم وعرفنا ناس كنا نعتقدهم غير ما عرفناه عنهم

      لا يمكن ان تكون كل احلامنا مجرد احلام الطفوله لان الاحلام لا تتوقف الا بتوقف حياتنا هى ايضا تكبر معنا

      دمت بخير

      حذف

مرحبا بكل من دخل عالمى