السبت، 27 أبريل، 2013

عن الرضا " من مدارج السالكين "

مختارات من كتاب " مدارج السالكين فى منازل إياك نعبد وإياك نستعين " للإمام ابن القيم رحمه الله 


* الرضا مستحبٌ ( وليس واجب ) خاصة أنه من الأحوال التى ليست بمكتسبة بل هو موهبة محضه . فكيف يؤمر به وليس بمقدورا عليه ؟

* قيل " إياك أن تستوحش من الاغتراب والتفرد ، فإنه عين العزة والصحبة مع الله ورسوله صلى الله عليه وسلم ، وروح الأنس به والرضا به ربنا وبمحمدا رسولا وبالإسلام دينا " .

* الرضا باب الله الأعظم وجنة الدنيا ومستراح العارفين وحياة المحبين ونعيم العابدين وقرة عيون المشتاقين .

* من أعظم أسباب حصول الرضا : أن يلزم العبد ما جعل الله رضاه فيه .

* قيل ليحيى بن معاذ : متى يبلغُ العبد مقام الرضا ؟
  قال : إذا أقام نفسه على أربعة أصول فيما يعامل به ربه ، فيقول ( العبد لربه) : إن أعطيتنى قبلت ، وإن منعتنى رضيت ، وإن تركتنى عبدت ، وإن دعوتنى أجبت .

* ليس من شرط الرضا ألا يُحسُّ بالألم والمكاره بل ألا يعترض على الحُكم ولا يتسخطه .

* النفس .. إما نفسٌ مطرودة عن الله بعيدةٌ عنه ليست مؤهلةلقربه وموالاته أو نفسٌ ممتحنة مبتلاه بأصناف البلايا والمحن .

* طريق الرضا والمحبة تسيّر العبد وهو مستلقى على فراشه فيصبح أمام الركب بمراحل .

* قال الواسطى : إياكم وإستحلاء الطاعات فإنها سموم قاتلة .

* قال الحسين بن على رضى الله عنهما : من اتكل على حسن اختيار الله له ولم يتمنّ غير ما اختار الله له ( عن الراضى يتحدث ) .




                                                                                                                                                      يتبع إن شاء الله 




الجمعة، 26 أبريل، 2013

حجات تفرح


 


حجات بسيطة لما ندور عليها جوانا هنلاقيها 

تفرحنا ولو شوية ونضحك لما نفتكرها

يمكن شفناها ويمكن عملناها أو لسه بنحلم بيها 

ومن الحجات الكتير اللى بتفرح وتلاقى البسمة مرسومة حتى لو ملكش نفس تضحك


سحابة ماشيه خلف مئذنة

وردة مغمضه على غصن

سمكة فى سنارة صياد

مية فى ساقية دايرة

برعم بيطل من عود يابس

ضحكة طفل عيونه مدمعه

دعوة من قلب حد متعرفوش


الثلاثاء، 23 أبريل، 2013

سنين

 
 
 
كانوا صغارا يمتطون البوص ويسمونه أحصنه

كنّ ذات ضفائر يلعبن الحبل ويحلقن ضاحكات


كانت كبيرة تشاهدهم

كبروا وكبرن تغيروا وتغيرن وتطورت حياتهم وحياتهن

هم الآن يمسكون أيديهن ويلعبون دور البطولة فى أفراح متتالية
 
هى مازالت تشاهدهم
 
 

الأحد، 21 أبريل، 2013

مساجين أحلامهم





مساجين
وأحلامهم القضبان
ولو زُركِشت هتفضل قضبان !!


عايشين آه عايشين 

بنتنفس يعنى... وإيه يعنى !

خايفين آه خايفين
قلقانين يعنى .....وإيه يعنى !

عايشين خايفين قلقانين
ودى عيشه يعنى !



.

الجمعة، 19 أبريل، 2013

السحاب أنواع





هى السحب دى مخلوقه من زمان وكل يوم بتتشكل بأشكال جديده

بتجمعها او بتفرقها ولا كل يوم بتتخلق سحب من جديد

كل يوم السحاب ماشى يتفرج علينا ويشوف العجايب بلد تتحرق وبلد تموت من البرد

عبيد وملوك ....خدم ومخدومين... مسجونين وأحرار ...

ورد وفل .... وشوك وحنضل

... دموع وضحك ...

ياما شايل السحاب


***********

السحاب لما يغيم مبيكنش شايل بخار مية بس
ولما يمطر مبيمطرش مية وبس

على اد ما يشيل هيكون المطر

وكل بلد ونصيبها
لما سحابة تعدى على بلد كلها مشاكل اكيد المطر هيبقى مشكله جديدة
ولما السحاب يعدى على بلد نضيفه ورايقه والناس بتحب بعض هيكون المطر خير يفرحوا بيه

احنا اصلا اللى بنشكل السحاب فوقنا

وسحابك يا مصر حزين وبائس زى وشوش الناس فيكى

********************
فيه أمل صحيــح ...... لكن بطئ يمكن
فيه طيبه صحيح ...... لكن الشر متمكن

فيه حب صحيـح ...... لكن الكره بيكتر
فيه تفاؤل صحيح ...... لكن لليأس يتحول

وليلك يا بلادى طال علينا
وبكره الصبح واحياة السميع
يهل النور على بيوت الجميع



***************

هو فى الجنة سحاب ؟
لو فيه هتمنى أعيش فوق سحابة وأزرعها ورد 
ويكون فيها شط بحر 
أمشى عليه بفرس فضى 


^_^ 


السبت، 13 أبريل، 2013

يوما ما ستكبر - صورة وكلمة 13




أن تقف عند نقطة ما حتى وإن كانت القمة 


يعنى 

أنك تتراجع 

وأنا لست ممن يتوقفون


إختيارا حينا وقدرا أحايييييييين 

ولا زلت أجتهد ما استطعت ولم أجنِ بعد ثمرتى !




********************



أحيانا تبتسم حتى أرى نواجذها 


فأبتسم دون خوف من آتى ولا ندم على ماضى

هى 

لحظات أسرقها من عمر الزمان



************



يوما ما ستكبر وتُفتح لها الأبواب المغلقة

التى لم تمل عن محاولة فتحها 


***********





لتكون سعيدا

يلزمك أن تعيش فى 

غيبـــــــــــــــــــوبه 


تتناسى الواقع ولو قليل 



الخميس، 11 أبريل، 2013

قضبانُُ وأسرى





تختلف القضبان ، فيختلف الأسرى خلفها

فللغرورِ قضبانُُ لا تطلق سراح أسراها 

وللذلة والتكبر  قضبان تختلف 

ولسوء الخلق وقلة التفكر قضبان تحكم أسر من خلفها  


وبعض القضبان من ماسٍ تحمى أسراها وتزيدهم رَونَقا ورُقيا 

فإن كان للحياء قضبان ، فهى من ماس أو من ذهبٍ صُنعتْ

وإن كان لحسنِ الخلق قضبان فمنتهى الحرية أن تحيا خلفها

فعبدُ الله حرُُ مرفوع الرأس ...... وعبد غيره أسير ذليل 




الأربعاء، 3 أبريل، 2013

مجرد بقايا





وقد يكون من طبع الدنيا 

أنه عندما يلوح فى الأفق تحقيق حلم ما

تكون قد أخذت شئ آخر أروع وأكثر أهمية

لتنتقص فى النهاية من فرحة لقاء الحلم 

ولتُبقى فى القلب حزن لم يلبث أن يتجدد

بالحزن يكون الإنسان إنسانا

لكن المزيد منه يصنع من الإنسان 

مجرد بقـــــايــــــــا  


***************

للعلم انا مش  متشائمة 
لكن أكيد الإحساس باللى بيحصل ده مش عيب 
حجات كتير بتحصل بتكون سبب انى مكنش مبسوطة 
بس مش حزينه لأنى متأكده انه لو حتى القدر انى مكنش مبسوطة ده خير 
ومحدش عارف حياته بتنتهى ازاى ولا بكرة هيمر بإيه