الأحد، 24 يونيو 2012

مبرووووك يا مصر





النهرده التدوينة مختلفه

النهرده التدوينه بطعم الفرحة من القلب

النهردة التدوينه بطعم كل حاجة حلوة فى مصر

النهرده كانت ايدنا على قلوبنا ... سواء كنا فى الميدان او فى بيوتنا

النهردة احنا اخترنا رئيس لمصر ... رئيس من الميدان ... رئيس من الثوار

النهرده نقرى الفاتحة على روح الشهدا... ربنا يتقبلهم  ..

 النهرده أمهاتهم ممكن يرتاحوا ويعرفوا ان دم  ولادهم مش رخيص عندنا

النهرده نقدر نقول بصوت عالى ... أسقطنا النظاااااااااااام 

**************

مبروووووووووووووك 

هنقولها بعلو الصوت 

وبكرة ... نبدأ كل واحد يبنى فى مكانه 

ان أصلح رئيسنا فنحن معه .. وإلا فالميدان موجود 


**************


من قليل أول خطاب ريسنا مُرسى 


يارب نرسى معاه على مَرسى  :)


**************


ارفع راسك فوق انت مصرى 


بلدك عالية وفوق وريسنا مرسى :) 





هناك 25 تعليقًا:

  1. ان شاء الله الأيام القادمة تحمل كل الخير لمصر الحبيبة والشقيقة .. ربنا معاكم يارب .

    ردحذف
    الردود
    1. امييييين يارب

      شكرا لوجودك :)

      دمت بكل خير

      حذف
  2. ارفع راسك فوق انت مصرى


    بلدك عالية وفوق وريسنا مرسى :)

    مبرووووووووووووووووووووووك عليكم وعلينا :)

    ردحذف
    الردود
    1. :))

      الله يبارك لنا فى بلدنا وفى كل حر

      دمت بخييييييير

      حذف
  3. مبروك يا رؤى مبروك لينا كلنا تدونتك من اجمل التدوينات
    لانها عن مصر مبرووووك

    ردحذف
    الردود
    1. مرورك اجمل
      ومتأكده ان الكل فرحان النهرده

      دمت بخير

      حذف
  4. مساء الغاردينيا رؤى
    :)
    والله العصر كنت تعبانة وبقاوم مرضي عشان بتابع الأخبار
    وبدعي من قلبي يولي الأصلح على مصر كنت خايفة يحصل تلاعب
    ويبقى شفيق رئيس مصر ويروح دم الشهداء هدر وتضيع الثورة
    بس ربنا كريم فرحت لك يامصر وبدعي ربنا أشوفها بخير
    الف
    الف
    الف مبرووووووووووووووووووووووووووك من قلبي "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. ريمااااااااس الف سلامة عليكى حبيبتى
      وعارفه قلبك الصافى وعارفه ان كلامك من القلب عشان كده وصلنا

      يارب ربنا يديم الود بينا

      وتشوفى مصر كما يجب ان تكون :)

      دمت بخير وود

      حذف
  5. اولا بجد انا عينى دمعت من تعليق ريماس

    ربنا يخليكى يا لمصر يا ريمسو وميحرمناش منك ابدا

    الف مبروك اول رئيس مدنى

    تحياتى

    ردحذف
    الردود
    1. كلنا هنتأثر بكلامها لانها .. ريماس :)

      ربنا يديم مصر ودايما تجمعنا الاخبار الحلوة

      شكرا لوجودك أستاذ ابراهيم

      دمت بخير

      حذف
  6. ( من قليل أول خطاب ريسنا مُرسى
    يارب نرسى معاه على مَرسى )

    اللهم أمين
    :-)
    تحيتي لكِ

    تقبلي مروري

    ردحذف
  7. تدوينة حماسية باين فيها الفرحة اوى
    ربنا يكملنا فرحتنا على خير يارب

    ردحذف
    الردود
    1. يارب كل الجاى يكون بطعم الفرحة يا ايه

      دمت بخير

      حذف
  8. اتمنى ان يثبت الدكتور مرسي في الايام القادمة انه على قدر ثقة من انتخبوه و انه اتى من أجلهم و من أجل أن يجمع لا ان يفرق
    سأنتظر ما ستسفر عنه الايام القادمة حتى تكتمل الفرحة

    ردحذف
    الردود
    1. كلنا ننتظر :)

      مع الخوف لكن قلنا نفرح شوية كفاية تعب اعصاب بقى

      لكن الثورة مستمرة والميدان سيظل

      دمت بخير

      حذف
  9. رؤى ..
    حقيقةً رغم آلامنا كنا معاكم .. بقلوبنا ومشاعرنا .. وروحنا وإيماننا ..
    ومن لم يخش أن ينقلب المجلس على الثورة ؟؟ ..
    ومن لم يتوقف عن التنفس قبيل سماع النتيجة ؟؟ ..
    ومن لم تدمع عيناه بعد سماعها ؟؟ ..
    انتصار ثورة مصر بعث فينا مزيداً من المل .. والتفاؤل .. والثقة .. بأن النصر قادم ..

    نسأل الله تعالى أن يتم الفرحة على قلوبكم .. بل فلأقل على قلوبنا جميعاً ..
    وأن يسدد خطى الدكتور محمد مرسي .. ويجمع حوله خيرة عباده ..
    واليوم كما قلت يا رؤى .. "كل واحد يبني في مكانه" ..
    وارفع راسك فوق انت مصرى .. بلدك عالية وفوق وريسنا مرسى ..

    مبروووووووووووووووووووووووووووووووووووووووووك .. وعقبالنا يااارب ..

    ردحذف
    الردود
    1. ياااااارب الفرحة تكمل بسوريا


      كان اجمل هتاف امبارح فى الميدان ... سوريا
      وكان اجمل موقف ان الشباب رافعين علم سوريا وفلسطين ومرضيوش انهم ينزلوهم

      ولما مصر تقوم على رجليها اكيد كل الوطن العربى هيتأثر بالخير


      ربنا يجعله عام سعيد على كل بلادنا العربيه

      دمت بخير

      حذف
  10. ربنا يديم فرحتنا يارب ولا يخذلنا فى وعوده
    وزى ما قولتى

    كل واحد يبنى فى مكانه

    ردحذف
    الردود
    1. امين مع ان ربنا دايما معانا بس احنا بنستعجل

      بجد السنة ونص اللى فاتوا كانوا مسرح بان عليه كل الفئات والشخصيات وبقى الشعب واعى وفاهم اللى بيحصل

      هنبنى اكيد


      دمت بخير

      حذف
  11. السلام عليكم
    الحمدلله ربنا كتب لنا الفرحة والنصر...أخيرًا
    يا رب احفظ مصر ورئيســها وشـــعبها

    ردحذف
    الردود
    1. وعليكم السلام ورحمة الله

      الحمد لله ربنا يتمها على خير


      دمت بخير

      حذف
  12. السلام عليكم

    حقيقة شعرت بفرحتك العارمة من خلال كلماتك التي حملت قوة أحاسيسك بكل وفاء..
    وسعدت أنا جدا بهذه النتيجة فقد كنت خائفة من التزوير أو الخديعة وخشيت أن تذهب التضحيات سدى... الحمد لله، أرجو أن يكون هذا بداية الازدهار..

    ألف مبروك صديقتي رؤى لك ولكل المصريين ولجميع المسلمين:)

    ردحذف
    الردود
    1. بالفعل أنا شفت علم سوريا وفلسطين ومصر على عصاية واحدة (هههههه) في ميدان التحرير ..
      وكمان شفت علم سوريا في مظاهرة كانت في اليمن ..
      ولما طلعت نتائج الانتخابات انقلبت المظاهرة في اليمن لأفراح تنادي بالنصر لمصر ..
      الشعوب كلها قلوبها واحدة .. بس الحكام هما اللي مفرقينها ..
      أكثر ما يرهب الغرب اليوم هو نجاح الإسلام السياسي في دولة إسلامية ..
      لأن نجاحه سيسري على باقي الدول .. وبالتالي تهيء لعودة الخلافة الإسلامية ..
      وهو أكثر ما يرعب الغرب ويقض مضاجعهم ..
      لأن من ميزات الشعوب العربية المسلمة أنها على قلب رجل واحد ..
      وإنما تحتاج لقائد يقودها ..

      حذف
    2. شكرا لك نوال
      الحمد لله ربنا ستر ومفيش تزوير رغم ان الفلول دلوقتى بيشككوا
      ولكن ..

      الحمد لله

      حذف

مرحبا بكل من دخل عالمى