الجمعة، 19 أبريل 2013

السحاب أنواع





هى السحب دى مخلوقه من زمان وكل يوم بتتشكل بأشكال جديده

بتجمعها او بتفرقها ولا كل يوم بتتخلق سحب من جديد

كل يوم السحاب ماشى يتفرج علينا ويشوف العجايب بلد تتحرق وبلد تموت من البرد

عبيد وملوك ....خدم ومخدومين... مسجونين وأحرار ...

ورد وفل .... وشوك وحنضل

... دموع وضحك ...

ياما شايل السحاب


***********

السحاب لما يغيم مبيكنش شايل بخار مية بس
ولما يمطر مبيمطرش مية وبس

على اد ما يشيل هيكون المطر

وكل بلد ونصيبها
لما سحابة تعدى على بلد كلها مشاكل اكيد المطر هيبقى مشكله جديدة
ولما السحاب يعدى على بلد نضيفه ورايقه والناس بتحب بعض هيكون المطر خير يفرحوا بيه

احنا اصلا اللى بنشكل السحاب فوقنا

وسحابك يا مصر حزين وبائس زى وشوش الناس فيكى

********************
فيه أمل صحيــح ...... لكن بطئ يمكن
فيه طيبه صحيح ...... لكن الشر متمكن

فيه حب صحيـح ...... لكن الكره بيكتر
فيه تفاؤل صحيح ...... لكن لليأس يتحول

وليلك يا بلادى طال علينا
وبكره الصبح واحياة السميع
يهل النور على بيوت الجميع



***************

هو فى الجنة سحاب ؟
لو فيه هتمنى أعيش فوق سحابة وأزرعها ورد 
ويكون فيها شط بحر 
أمشى عليه بفرس فضى 


^_^ 


هناك 9 تعليقات:

  1. السحاب لا يحمل سوى الخير ولكن النفس البشريه هى التى تخيل الفرح او الحزن وكما قلتى فمصرنا تنزف ولا يضمد جراحها أحد لذلك لا نفرح بما ينزل من مطر فكيف يفرح المريض وهو يتالم من مرضه

    شكرا على البوست الذى يمطر أمل فى غد افضل
    هو فى الجنة سحاب ؟
    لو فيه هتمنى أعيش فوق سحابة وأزرعها ورد
    ويكون فيها شط بحر
    أمشى عليه بفرس فضى

    ردحذف
    الردود
    1. شكرا لمرورك وتعليقك

      ومربط الفرس فعلا هو النفس وما هى عليه


      دمت بخير

      حذف
    2. شكرا لكى على العرض الجيد للموضوع وعلى كل المواضيع التى أدرجتيها فى مدونتك الجميلة

      حذف
  2. مهما رأت السحاب من فرح وحزن وفقر وغنى الا انها تبقى مصرد سعاده حتى لولم تكن غيوم محمله بالامطار
    يكفينا بان التامل بحد ذاته فيها عباده ،والبؤس والظلم لا يأتي الا ممن هم تحت السحب ، اما عن مصر فبأذن الله تعود افضل مما كانت
    كوني بخير،
    تحياتي لروجك

    ردحذف
    الردود
    1. المتزن فقط هو من يرى الأشياء على حقيقتها

      واحيانا يكون ما بداخلنا ستار يقف امام الحقائق فنراها بغير ما هى عليه

      شكرا لك سوسو

      حذف
  3. احنا اصلا اللى بنشكل السحاب فوقنا

    الكلمة دى اثرت فى نفسى اوى اوى

    مش عارفة ليه يارؤى حسيت بالعجز امام تدوينتك النهاردة ومش عارفة اقول ايه
    سلمت اناملك اختى الحبيبة
    اسأل الله تعالى ان يحفظ مصر وشعبها ويحميهاااااااا يارب

    دمت غاليتى بكل ود وحب
    تحياتى بحجم السماء

    ردحذف
    الردود
    1. انا نفسى حسيت بالى حستيه يا ليلى

      كتييييييير بتحصل حجات تخلينا منشوفش الحجات بأصلها

      وبنقول عايشين
      لكن الحقيقه اننا بنقضيها وربنا يستر

      الواقع مش مريح والخيال مش دايما مصدر سعاده
      حتى لو فيه الهروب



      شكرا لك صديقتى

      حذف

مرحبا بكل من دخل عالمى