الجمعة، 26 أبريل 2013

حجات تفرح


 


حجات بسيطة لما ندور عليها جوانا هنلاقيها 

تفرحنا ولو شوية ونضحك لما نفتكرها

يمكن شفناها ويمكن عملناها أو لسه بنحلم بيها 

ومن الحجات الكتير اللى بتفرح وتلاقى البسمة مرسومة حتى لو ملكش نفس تضحك


سحابة ماشيه خلف مئذنة

وردة مغمضه على غصن

سمكة فى سنارة صياد

مية فى ساقية دايرة

برعم بيطل من عود يابس

ضحكة طفل عيونه مدمعه

دعوة من قلب حد متعرفوش


هناك 12 تعليقًا:

  1. حاجتنا الى الابتسامه يارؤى تجعلنا نسعد من اى موقثف حنى ولوكان دمه تقيل فهو يخف فى صدورنا التى صهرتها الهموم
    الفاروق

    ردحذف
    الردود
    1. عند حضرتك حق واله عمو الفاروق
      ما بنصدق حاجة تضحكنا وننسى


      ربنا يسعد ايامك

      حذف
  2. بالنسبة للصورة فأنا كنت بعمل كده وأنا صغيرة :)
    لازم الفستان يكون واسع علشان أعرف ألف بيه ^_^

    للطبيعة جمال خاص من يعشقه ويتعمق فيه يجد البسمة تلازمه :)

    ردحذف
    الردود
    1. وانا كمان كنت بحب الفساتين دى خالص

      لما بكون مسافرة سفر طويل وخاصة لو على طريق زراعى مبحبش الطريق يخلص

      اصلا حياتنا كلها رحله فيها مناظر كتيييييييييير



      دمت بخير

      حذف
  3. ضحكة طفل عيونه مدمعه

    هذه الضحكة من أكثر ما أحب أن أراه فيعطيك إحساس أن الدنيا بخير وأن مهما بلغ الحزن لا بد من الفرح فى يوم من الأيام بعكس الشخص البالغ صعب أن يختلط الدمع بالفرح إلا فى الفرح الشديد فقط

    ردحذف
    الردود
    1. هذه الضحكة التى لا يختلف على حبها اثنان
      لانها تحمل من البراءة ما نحتاجه كى نكمل الحياة

      اما عندما نكبر فكل الحقائق تتضح ويرسخ فى الاذهان ما كان أسوء



      دمت بخير

      حذف
  4. آه
    فعلا حاجات كتير زي دي
    بس الي بيفرح قلبي حاليا لما اساعد حد ويدعي لي دعوة من قلبه
    حد معرفوش
    لان الي بيعرفني ويدهعي لي ده شيء لكن الي ميعرفنيش ده شيء خاص اوووي
    الصورة حلوة اووي وكنت بعمل كدة وانا صغيرة ودايما فساتيني كانت قصيرة ومنفوشة كدة
    الله بجد نفسي اعمل كدة تاني :)

    ردحذف
    الردود
    1. كلنا نفسنا نعمل كده تانى
      تيجوا نتجنن :)

      مسموح بالجنان اذا كان هيفرح

      دمت بخير رحاب

      حذف
  5. تعرفي أنه صح..جدا..

    من كتر ما الهموم محوطنا..بقينا أصغر الحاجات بتفرحنا..يمكن لأننا عاوزين نفرح بأي شكل وبأي تمن..بس اللي يشوف الحاجات الصغيرة دي ويفرح بتكون الدنيا مقدرتش تأثر فيه بشكل سلبي..وده دليل علي القوة:)

    نيللي علي

    ردحذف
    الردود
    1. هو فعلا نوع من القوة والصفاء
      وفعلا مش اى حد ممكن الحجات الصغيرة تفرحه
      فيه ناس دايما عينها على الحجات الكبيرة وغالبا بيكونوا ناس ماديين وبتكون الضحكة بحساب

      نورتى نيللى :)

      حذف
  6. رحلة البحث عن الابتسامة والفرحة اصبحت رحلة شاقة فى هذا الزمان :)
    لكنها ليست مستحيلة لو جوانا جميل وهادى وراضى اكيد هنلاقيها فى كل الاشياء الرقيقة اللى طرحتيها فى البوست وفى كل شىء جميل حولنا

    اشاركك انت ومنى حب الفساتين دى كان ستايل لبسى وانا صغيرة بردو :) ولازلت احبها جدا
    احسنت حبيبة قلبى وبارك الله فيك
    تحياتى بحجم السماء

    ردحذف
    الردود
    1. شكل جيلنا كله كان بيلبس نفس الفساتين دى هههههه

      الرضا نعمه ربنا ينعم علينا بيها يارب

      تسعدنى كلماتك ليلى

      دمت بخير حبيبتى

      حذف

مرحبا بكل من دخل عالمى