(المشاركة 3 فى حملة التدوين الأسبوعى )
احترت جدا واترددت كتيييير إنى أعلق أو أكتب عن اللى بيحصل فى البلد يمكن لأن اللى حاصل واللى حساه أكبر بكتير من إنى أكتب عنه أو أوصفه ، إتسألت سؤال غريب من إحدى الصديقات على الفيس ( لو هتوصفى اللى حاصل فى مصر بكلمة هتكون إيه ؟..... من غير تفكير كانت إجابتى ( فتنه ) .
ولأن فى الفتن دايما بيكون فيها حزن وحيرة ودموع مبتنزلش من العين ، يمكن من القلب بتنزل .
مش مهم أنا مع مين ، ببساطة لأن كل الأطراف خسرانه حتى اللى على حق للأسف بيعبر بطريقه غلط . ومعرفش ليه ؟
" إن تنصروا الله ينصركم " مين بينصر ربنا ؟؟
معرفش الإجابة لأنى مش شايفه طرف أقدر أكون معاه دايما فى كل قراراته وتعبيره عن آراؤه .
لما تضييييق أوى لازم نلجأ لربنا ، ولما بلجأ لربنا وبدعى يارب بلدى ، بحس إن ربنا فعلا بيحبنا لكن " ليميز الخبيث من الطيب " لازم نتعب كتيييييير عشان نرتاح ويمكن نكون إحنا فى زمن التعب والأجيال اللى جاية تحصد . بقول لنفسى كده وانا بحاول أطمنها .
تعبنا بجد حتى لو حاولت أبعد عن السياسة والأخبار مبينفعش ..!!
لصالح ميييييييييييين ؟؟ هو ده السؤال اللى مبعرفلوش إجابة
أو يمكن مبكونش عايزة أصدق ... مبكونش عايزة أعترف لأن غالبا الحقيقة بتتعب .
يمكن بطريقتى مبحبش أتكلم بالأسماء وأقول فلان غلطان وفلان صح
كلها أسماء وقرارات وجهات ومصالح
لكن ربنا الأعلم من المصلح وأكييييييييييد ربنا رايد بينا خير
خير إننا نعرف بعد كل أزمه مين صح ومين غلط
المشكله ان مقاييس الصح والغلط نفسها مش متفق عليها !!!!!!
ودى كمان مع الوقت هنتفق عليها
حاولت أكتب ومعرفش إذا كنت فعلا كتبت عن اللى جوايا ولا لا ، لكن أهى محاولة
اللهم احفظ مصر وأهلها من كيد أعدائها في الداخل والخارج .. واحفظ بلاد المسلمين واجمع كلمتهم ووحد صفوفهم وأهلك أعداءهم ..
ردحذفاللهم أجرنا من الفتن ما ظهر منها وما بطن ..
لا حول ولا قوة إلا بالله ..
صباحك هنا وسعاده يا رؤى
ردحذفاذا كنا لا نعلم فالزمن كفيل ان يكشف لنا الحقائق
ربنا يحفظ مصر من كل سوء وشر
ربنا اللى قادر يوصلنا لبر الآمان
ردحذفبما ان ماحدش فين عارف اصلا الصح فين والغلط من مين
ربنا يستر علينا وعلى بلدنا
ونعدى الأزمه على خير ونوصل للصح أيا كان فين
دمتِ بـ حب
كلامك موزون قوي
ردحذفزميلتكم في الحملة
http://please-understand-me.blogspot.com/