ولماذا يعَدُ من يذكُر الموت متشائمًا؟!
وهو الحقيقةُ الجلية التى لا مفر منها
وهو الحلم الذى لا يرتبط بعمرٍ ما
ولا ينتظر الإنتهاء من إنجازٍ ما
الموت راحةُُُُ وتفاؤل
ليس دائمًا كما يقولون أنه هادم لذات
بل يمكنه أن يكون العكس ويوصل لها
ليس دائما كما يدعون أنه مفرق الجماعات
بل قد يكون مجمع الأحباب فى أرضٍ لا فراق فيها
ليته يأتى فقط وهناك من يدعو لنا هنا وإن لم يكن ذا قربى
ليته يأتى بعد أن نترك شيئا لهم يذكروننا به
هي الفكرة ان لو الانسان فضل يفكر في الموت طول الوقت هيموت حتى قبل ما الموت يصله وإن صح التعبير ... المقصد ان الانسان ميشغلش نفسه بالدنيا على طول وفي نفس الوقت مينساش اخرته خالص
ردحذف======
خالص التقدير لفكرك وقلمك
تقبلي مروري
Casper
انا مقلتش اننا دايما نفكر فى الموت ومن الحجات اللى بكرهها جدا الناس اللى طول الوقت بيتكلموا عن عذاب القبر والموت والعذاب
حذفالفكرة ان ده هو نفسه الى بيخلى الناس تهرب من الموت فتقع فى خطأ حب الدنيا اكتر
فكرة التوازن هى اللى قصدتها
الوجه الاخر لحياتنا هو الموت وما بعده وهو الوجه الأصدق والأحق بالتفكير لانه المفروض يكون الهدف الكبير اللى بنعيش عشانه
الموت مجرد لحظة فاصله مش اكتر لكن هو فى حد ذاته مش مشكله
هو بوابة
بس
دمت بخير
مش عارف اقول ايه
ردحذفعلى فكرة انا مش بخاف من الموت
انا بخاف من موت من احب
تحياتى
ااااااااااااه نفس الحكاية
حذفودى دعوة خاصة جدا بدعيها لمجرد التفكير فى الموضوع
:(
لكن ربنا سبحانه وحده هو من يملك الاعمار
دمت بخير استاذ ابراهيم
لا حول ولا قوة إلا بالله
ردحذفانا مش عارف خايف أموت ... كنت زمان ايام المدرسة وانا مستني النتيجة كنت بحسبها من الناحيتين لو سقط هيحصل كدة ولو نجحت هيحصل كدة وكان دايما بحسبها كدة ومكنش عندي مشكلة في الاثنين لكن لو مت مش هينفع احسبها كدة لانه ياجنة يانار علشان كدة خايف من الموت ...
لو فكرنا فى الخوف من النار بشكل ايجابى هنوصل لنفس النتيجة لو فكرنا فى الجنة بشكل ايجابى برضه
حذفبمعنى ان كل انسان ادرى بنفسه فيه واحد يجى بالخوف وواحد تانى يجى بالتحفيز
كل واحد طبيب نفسه لانه اعلم بيها بعد ربنا سبحانه وتعالى
وفى النهاية نحن وأقدارنا
دمت بخير
حينما أتحدث عن الموت يتوقعون بأن حالتى سوداوية ولا يعلمون بأنى وقتها أكون فى حالة من البياض الداخلى فعلاً
ردحذفوحينما يتحدث أمامى أحدهم عن موته ووصيته مثلا على سبيل اليأس ويجدنى أناقشه يتهمنى بأنى بفول عليه!!
لا أجد غضاضة فعلا فى التحدث عن الموت ولا فى أن أحياه
عجبتنى كلماتك
موافقاكى جدا وده غالبا بيحصل لما بقرالك كلام بحس انك بتقولى اللى بفكر فيه :)
حذفالموت بوابة لابد من عبورها
الموت عبره ولما نفكر فيه بشكل ايجابى هنعرف نعيش صح
هى مفارقة لكن بالتفكير هنوصل للحل
دمت بخير موناليزا
مادام بالموت بنقابل ربنا
ردحذفيبقا اكيد الموت ده حاجه رائعه
للي مات
وحاجه مرزعجه للعايشين علشان الم الفراق
الدنيا دار فراق لا محاله
حذفوالصبر جزاءة عند ربنا
كتير بيبقى جوايا دعاء انى اموت قبل كل اللى بحبهم
لكن حتى الدعوة دى احيانا بحس انها مش فى محلها بس هى مجرد تعبير عن اننا مش هنقدر
لكن ربنا له حكمة فى كل قدر بيحصلنا
فقط ندعوا ان يفرغ علينا صبرا ويتوفنا مسلمين
دمت بخير
صح :)
ردحذفالحمد لله :)
حذفدمت بخير
السلام عليكم يارؤى
ردحذفانا تركت امبارح تعليق هنا ونزل فعلا والنهاردة مش موجود ومش عارفة ايه السبب ياترى عندى خلل فى بلوجر
الموت حقيقة لا نتقن الفرار منها
وكا قال الحبيب محمد اعملوا لاخرتكم كأنكم تموتون غداً ...فهذا حث ونصح من الرسول عليه السلام ان نتقن اعمالنا ونخلص النية فيها لله تعالى
لكنه قال عليه السلام ايضا اعمل لدنياك كأنك تعيش ابدا وهذا ايضا حث على حب الحياة والسعى الدائم فيها للخير والصلاح فى كل نواحى حياتنا
حفظك الله اختى من كل سوء وصلح عمرك وعملك يارب
تحياتى لك بحجم السماء
كتير فيه تعليقات نشوفها وبعدين تتحذف معرفش السبب بس غالبا بلوجر بيبقى فيه حاجة مش مظبوطة
حذفبس شكرا حبيبتى لمرورك تانى وتعليقك من جديد :)
اعتقد ان المقولة مش لسيدنا محمد ؟!
متهيألى لسيدنا على كرم الله وجهه
ايا كان هو كلام مأثور صحيح معناه
ربنا يحسن خاتمتنا
ويجعلنا من اهل الجنة فى الدنيا والاخرة
دمت بخير حبيبتى
فى الحقيقة يا رؤى انا بحب كلامك مــــــــــــــوت
ردحذفههههههههههههه
حذفوانا بحب تعليقات حضرتك موت جدا خالص :)
اسعد الله ايامك عمو
أعتقد أن الإنسان إن صح عمله وخلص لله، ينتظر الموت ويرحب به متى جاء على اعتقاد أنه السبيل للقاء الله تعالى بقلب سليم.
ردحذفربما في قولك "هادم لذات"، تقصدين "هادم للذات"، وهذا هو الصريح في الحديث (أكثروا ذكر هاد اللذات..) على اعتبار أنه هادم للذات الدنيا، ومفرق لجماعات الدنيا، لكنه في المقابل انتقال إلى اللذة الدائمة، والأنس الدائم مع جماعات أحسنت وجهه لله.
شكرا على الموضوع
تحيتي
نعم قصدت هادم اللذات شكرا لتنبيهك :)
حذفتذكر الموت ليس فقط ان احسنا العمل فحتى المحسن لن يدخل الجنة بعمله
لكن فى كل الاحوال الموت موجود ونحن نتغافل عنه فقط سواء بقصد او بدون قصد
ربنا يحسن خاتمتنا
الذي أقصده أن المحسن يشتاق إلى لقاء الله، لأنه وصل لدرجة من أحب الله في كل حركاته وسكناته، أما مثلي المذنب العاصي فيخاف من الموت لأنه يعلم أنه لم يستدرك بعد... مسألة دخول الجنة هي من رحمة الله أكيد، لكني أتحدث عن الشعور الدنيوي، وخير مثال بلال بن رباح حين كان في احتضاره وقالت زوجته وا مصيبتاه، فرد عليها لا تقولي وا مصيبتاه... غدا ألقى الأحبة...
حذفاللهم آمين
امين يارب العالمين نكون من هؤلاء الذين لا يخشون الموت
حذفمتفقه مع حضرتك وفعلا الشعور الدنيوى يكون على حسب شعور المرء بعمله
وغير الصادق مع الله سيكون من الذين قيل عنهم " ولن يتمنونه ابدا "
اللهم احسن خاتمتنا
قد يكون الموت قبل كل شي " رحمه و راحة لهم من نصب الدنيا وعذابها ، إلى نعيم الآخرة "
ردحذفولكن معضم البشر يخاف الموت لعدم استعدادهم له ، ليس لخوفهم منه
تحياتي لروحك
صحيح
حذفويمكن لان كل المشايخ اللى بيتكلموا عن الموت بيقرنوه بالعذاب سواء فى القبر او بعده
ربنا يرحمنا ويفهمنا جوهر الامور
دمت بخير