الثلاثاء، 20 مارس 2012

عن رحلتى 5... الصور

لم  يضيع أخى فرصه لإلتقاط الصور ... عندى الآف الصور
هو مغرم بالتصوير ... كنت أقف ربما ساعه أمام بعض الورود التى يظل أمامها يلتقط صورا من كل الإتجاهات 
وأنا انتظر وانتظر لعلمى أنها ستكون رائعه 

لن أطيل عليكم 
سأختار بعض الصور التى التقطها للأماكن التى كنا فيها 
لكن اعذرونى ان لم تكن كما وصفتها ببساطة لأننى  تركت له معظم الصور الطبيعية التى لم نكن فيها لأنها كانت كثيرة جدا 
لكن هحاول اختار من اللى عندى 
**************
هبدأ بالورد .... معلش بقى بموت فيه ... 
الورد ده مش طبيعى لكن كل ما تعدى على نوع تروح تلمسه لانه شبه الطبيعى الى حد كبير 
ده كان موجود فى سوق التنين ( كله صينى ) 





*************

ودى صورة فى المدخل عليها عم الصينى الكبير :) 



ده بقى المدخل من الخارج هى صورة تنين 




*************
الصور دى لوافى
غالبا ده رجل اعممال مصرى ومصمم الفنادق والمول على اشكال الاثار المصرية 
والعرض كل يوم على واجهة المبنى كان اكثر من رائع اسمه عودة الفراعنه 
كنت مبهورة وفخورة جدا بالعرض 
الصور دى اثناء العرض 
والأخيرة للطبيعه هناك بجد تحفففففه من اكثر الأماكن التى اعجبتنى 





***************
النافورة والبرج بقى 
حضرت عروض كتير 
لكن اول عرض كان على نغمات أغنية لعبد المجيد عبدالله رائعه لن أنساها 
( انت مو إنسان أكتر )
مهما أجدنا الوصف ليس كمن حضره :)



****************
القرية العالمية 
لا يكفيها يوم او يومين 
فيها ركن لمعظم دول العالم خاصة العربيه 
كل بلد لها عرض فلكلورى 

الركن الأفريقى أكثر الأركان التى أعجبتنى 
والعرض التايلاندى من أروع  العروض 
واللبنانى كمان جميل 
والمصرى مقلكووووش ( بالنجف عارفينه ؟؟ :() 





***********
نيجى بقى لمدينة جميرا 
والرحلة بالمركب بين الفنادق 
زرتها بالليل وكانت النية انى اروح يوم بالنهار لكن الظروف مسمحتش 




***************
حديقة الحيوان :) 
الصور فيها بجد كانت جميله حتى صورنا 
اليوم كان تحفه الحديقة فى العين 
الطريق كله نخل وورد انا بمووت فى الاتنين 








****************

بعد حديقة الحيوان طلعنا جبل حفيت 
عال جدا بس الطريق باليل بالأضواء الملتوية يبهر 
رأيته بالنهار لكن باليل كان له رونق خاص
صحيح نزلنا عيينا وجلنا برد بس كله يهون عشان المنظر الجميل 

من فوق شفنا مكان منور تحت 
وفيه خضرة كان تحفة بصراحة 
ومعرفناش انه المبزرة الخضراء غير بعدين فى يوم تانى بقى جينا لها 
وشفنا الجبل من تحت :) 






***************
دى بقى المبزرة الخضرا بالنهار ( مكان وسط الجبل كله خضرة وعيون مية .. ابار وفاتحينها على جداول بيقولوا المية كبريتيه فيها علاج وناس كتير بتروح تنزل رجليها فيها 

والجبل كمان







ده جدول مية وقعت فيه عق فظييييييييع اصل ارضه كلها ريم اخضر من اللى بيزحلق :( 




***********
وده من متحف دبى :) 
اقدم حاجة مبقلهاش متين سنة 
بس بجد المتحف مهتمين بيه جدااااا 0_O




***************
سكى دبى فى مول الامارات 

تحفة درجة الحرارة بتكون 2 تحت الصفر
تلج تلج يعنى 
وبرضه اتزحلقت على نفس الايد :( 




**********
أبو ظبى ومسجد زايد اكبر مسجد بالعالم واكبر سجادة بالعالم واكبر نجفة بالعالم :)
كل حاجة بالعالم 
بس اقولكو سر 
محستش انى داخله مسجد 
يمكن متحف 
روح الأزهر مثلا حاجة تانية خالص 



***********
بدأت بالورد وأنهى كمان بالورد 
بس المرادى طبيعى 
حديقة براديس فى العين دخلت موسوعة جينيس للارقام القياسية
جميلة فعلا بس ليه ميكنش فيها ورود لها ريحة يعنى  هتكون اجمل 
دى الحديقة اللى فيها القلوب اللى فى عنوان المدونه :) 







يارب تكون عجبتكم زى ما عجبتنى 

هناك 10 تعليقات:

  1. يا ريتني كنت معاهم :)
    صور جميلة يا رؤى

    ردحذف
  2. رحلة سعيدة
    و صور جميلة

    استمتعت و اتحسرت
    فاما لماذا الاستمتاع
    و لماذا اتحسرت
    فذلك قصة طويلة
    ليس وقتها الان
    تحياتى

    ردحذف
  3. حمداً لله على السلامة .. الصور تحفة حقيقي تسلم إيد الفنان اللي صورها :)

    خالص تحياتي

    ردحذف
  4. حلوه الصور وحلوه الرحله
    يا ريتنى كنت معاكم على راى اخونا مصطفى
    ربنا يسعدك حبيبتى

    ردحذف
  5. الصور اكتر من رائعة
    وواضح ان الرحلة كانت جميلة
    بحب جدا ادب الرحلات
    في مصر الناس مابتهتمش بالرحلات
    كبيرهم الملاهي والتصييف

    ردحذف
  6. مش عارفه اقولك ايه
    اوعدنا يا رب

    ردحذف
  7. صباح الورد

    رحلة رائعة ولم تتركي مكان إلا وزرتيه

    والصور واضحة وجميلة وجذابة لدرجة

    أننا رحلنا معك وشاهدناها أما مسجد

    زايد فأضم صوتي لصوتك للأسف المسجد

    هذا ليس بمسجد وفقد وقار وسكينة

    المساجد ببهرجته والرسول الأعظم صلى

    الله عليه وسلم أخبرنا بأن زخرفة

    المساجد من علامات القيامة و مثلما

    أشرتي روعة المساجد بشكلها التقليدي

    البسيط وهذا ما يميز المساجد

    القديمة ....

    رحلة موفقة

    تحياتي وإحترامي

    ردحذف
  8. الحمد لله على السلامة ...

    صورة أكثر من رائعة ..

    لك تحياتي ...

    ردحذف
  9. تحففففففففففففففففة رائعة بجد ما شاءالله
    انا عاوزة من ده يا حزمبل انا عاوزة من ده :))))
    تحياتي

    ردحذف
  10. د مصطفى
    والله بجد نفسى اصدقائى كلهم يروحوا فعلا

    :) ومش بعيد تروح يعنى قول يارب

    ***********

    أستاذ ابراهيم
    امممم مش هنسى الحكاية دى نعرفها بعدين

    شكرا لمروركم العطر

    *************

    باشا
    الله يسلمك
    من ناحية فنان هو كده فعلا ماشاء الله عليه
    لكن ده برضه من زوقكم

    نورت

    *********

    هبة
    ياريت كنا جروب اكيد كانت هتبقى احلى
    لكن يارب تكونوا شوفتوها بعينى

    ربنا يخليك

    ******

    شموسه ..عندك حق
    هناك الناس بتعرف تتفسح
    او يمكن هنا ضغوط الحياه شغلتنا عن كتير من المتع كل حاجة محسوبة بالمليم :)

    شكرا لمرورك

    ****

    وصف
    يارب يوعدك بالأحسن يارب
    ونبقى معاك برضه هههههههه

    سلامى لمحمود ( برسم ) *_0

    ***********

    ريبال سعيدة بتواجدك هنا

    وصحيح ما ذكرت البهرجة زاااائدة عن الحد حتى الرسوم لا يوجد فيها اى نقش اسلامى !!
    المساجد بجد شوفتها فى القاهرة حتى لو قديمة وغير معتنى بها كما يجب
    والله دخلت الازهر مرة واحده لكن روحى اختلفت بعد خروجى منه سبحان الله

    ربنا يهيدنا

    شكرا لمرورك العطر

    ******

    اخى بندر
    شكرا لتواجدك
    الله يسلمك

    دمت بخير

    *********

    أفكار مبعثرة
    والله كلنا عايزين منه انا خلاص هنا على فكرة وانضم اللى عايز من ده :)

    نورتى وقولى يارب يكتب لنا الخير هنا او هناك

    دمتم بخيييييييييير
    شكرا لمرورك

    ردحذف

مرحبا بكل من دخل عالمى