الجمعة، 31 أغسطس 2012

غبية ... مش ملاك




ما شاء الله تعليمك عالى ( ضحكة معاناها بنات فاضية )

انتى لسه قدامك اد ايه 

وبتروحى كام يوم فى الأسبوع 

وناوية تشتغلى بقى 

بس البيت أهم للبنت 

ولو جوزها قالها مفيش شغل يبقى خلاص 

وست بيت بقى ولا مكنتيش فاضية تتعلمى الطبيخ ( ضحكة صفرا ) 

لتكونى فقتى للتعليم ومقضياها وجبات جاهزة ( رفعة حاجب )

ممكن كباية مية يا حبيبتى ( بالضغط على  تى ) 

طبعا مش عطشانه  ولا زورت وهتفطس بس لزوم النظر من فوق لتحت  

كنتى صايمه السته ... ماشاء الله 

وانتى صايمه سايبة ماما فى البيت  بقى ولا عادى بتعملى شغل البيت 

وبتعرفى تروحى السوق تشترى طلبات وكده 


أمال فين اخواتها اشوفهم 

طب خدى شوفى الصور دى 

ايه رأيك .... لا متتكسفيش لازم تقولى رأيك 

( كانت شايفه انه زى القمر والمفروض انى كنت اقولها كده ) 

بس لما ألحت كان الرد مفاجئ وغلس وأنا عارفه وقاصده 

الراجل مش بشكله .. :P 

**********

متهيألى نسيت تجيب بندق معاها 

ونسيت كمان تقوم تشد شعرى 

وكان المفروض اجيب محشى ورق عنب عشان تجربنى 

*********

دى قلة أدب 
وغباء 

إيه الناس دى 


وفى الآخر ياريته حاجة تستاهل  

منتهى السفاله ان حد ميعرفش يقدر اللى قدامه ويفتكرها شطارة 

ومنتهى الغباء إنهم يعتبروا السكوت له معنى غير إنه احترام للأهل مش لهم 

********


وتأبى الحياه إلا ان تموتنا من الضحك على أصناف البشر قبل أن ينتهى المشهد


ويسدل الستار على عريس وعروسه :)



هناك 31 تعليقًا:

  1. هو لسه فيه كده ؟؟؟؟؟؟؟؟؟؟؟؟؟!!!!!!!!!!!!!!
    بلاش أحسن هى ناقصة..
    بس الرد ده "الراجل مش بشكله " مناسب جدًا
    ضحكتينى والله ..بندق وتشد شعرى هههههههههههههه
    ربنا يرحمنا بقى

    ردحذف
    الردود
    1. تعرفى هو الواحد بيبقى بيسكت نفسه عشان احراج الأهل
      بس بجد الرد عليهم كان يعرف كل واحد قيمته

      يالله بقى

      دمت بخير يا حبيبه

      حذف
  2. هههههههههههههه
    ده عااااااااااادي عاااااااااااادي

    وفيه اكتر من كدة
    هو البنات لاقيه عرسان
    :DDD

    ردحذف
    الردود
    1. زى الهم عل القلب بس يبقى فيهم حد ينفع اصلا
      بلا نيييييله

      :)

      حذف
  3. مساء الورد رؤى

    بالفعل شيء غريب وهذه الأفعال من العصر الجاهلي ولا يليق بزماننا

    هذا وأما السكوت فهو خطأ كبير لأن من لا يحترم أهلك ويحترمك ويتحدث

    بلباقة في موضوع حساس مثل هذا فهو يستحق الطرد وليس الرد والغريب

    أن كل أم تظن أبنها فارس زمانه ولا يوجد له مثيل وأن المختارة محظوظه

    لأن العين رفت عليها !!!!

    تحياتي وإحترامي

    ردحذف
    الردود
    1. مساء الخير يا فارس

      فيه مثل بيقول ان البنت بتتعرض لأى موقف وأى حد ممكن يدخل يطلبها بغض النظر عن مستواها
      الرد بيكون الرفض
      لكن فى نظرى ان اللى تدخل بيت مش أده بيبقى غلط فى حقها هى

      ما علينااااا ادى اللى صار


      دمت بخير

      حذف
  4. هههههههههههههههههههههه
    اللي بيعيش ياما يشوف
    ولا بدك تعشقي وتتمعشقي زي الصايعين اللي ما إلهم أهل عرفوا يربوهم
    يا هيك الزواج عنا يا بلاش
    هههههههههههههههههههههههههههههههه
    "أنا بهزر بس"
    هههههههههههههههههههه
    شر البلية ما يضحك

    ردحذف
    الردود
    1. والله يا نسرين ساعات يغييييظ وفى الآخر بنضحك عشان نعديهااا

      إلى ان يقضى الله امرا كان مفعولا :)

      بكرة تشوفى اشكال والوان لما البنات يكبروا ههههههه


      دمت بخير

      حذف
  5. للأسف واقع مؤلم
    معلشى يا رؤى ولا تزعلى نفسك
    كبرى دماغك .. اعتبري نفسك بتكسبى ثواب

    ردحذف
    الردود
    1. والله يمكن امبارح كنت مخنوقه من الموقف

      بس النهرده قررت اكتبه واضحك عليه :)

      واللى يعيش بقى

      دمت بخير

      حذف
  6. للاسف في ناس كده واكتر من كده
    ربنا المستعان عليهم
    تحياتي

    ردحذف
    الردود
    1. فعلا كتير اوى
      وبقت حاجة تخنق بس اهو بقى ربنا يصبرنا

      اوعى تعملى حما بعد كده :))


      دمت بخير

      حذف
  7. ههههههه لسه بدرى ياما هتشوفى من مهازل وعجايب

    انا حزينة جدا من امور بتحصل فى مسألة الزواج وتتفسر انها من الشرع والاسلام برىء منها تماما
    احترام الانسان وعقله من الاسلام
    رزقك الله حبيبتى الزوج الصالح والذرية الصالحة وكفاك شر الحما ( القاسية ) هههههه

    تحياتى وتقديرى

    ردحذف
    الردود
    1. من ناحية الحزن صحيح هى حجات مبتمرش بسهوله ولكن .....

      بنهونها عشان تهون

      شكرا لدعائك الطيب
      بس تفتكرى بعد ما يجى مش المفروض نحاسبه على الاشكال اللى سابهم يغيظونى كده :)

      الله المستعان

      حذف
  8. مساء الغاردينيا رؤى
    ههههههههه
    بحد ضحكت تخيلت مامة فارس بتديني بندق
    ولاتسد في شعري
    بس عارفة لو سألتني ايه رأيك في العربس
    حقولها حبببي ههههههه"
    ؛؛
    ؛
    لروحك عبق الغاردينيا
    كانت هنا
    Reemaas

    ردحذف
    الردود
    1. استعدى بقى يا ريماس يمكن عندكوا حجات تانية هههههه

      انا رديت كده وعارفه ان ماما هتتضايق منى بس عشان اتغظت من الحاحها هههههه

      ربنا يجمعكوا على خير


      دمت بخير

      حذف
  9. اقولك خيرها فى غيرها يا قمر
    ربنا يرزقك باللى احسن منه
    وساعتها نفرق شربات ونعلق الزينات

    ردحذف
    الردود
    1. ان شاء الله خير يا هبة
      بس لازم نفك شوية ونضحك على مواقف غبيه بنمر بيها

      وحشتينى على فكرة :)

      دمت بخير

      حذف
  10. الردود
    1. متهيألى هتفضل دايما فيه نماذج زى كده واكيد كلنا بنمر بحجات تخلينا نقول ايه ده معقول دول لسه عايشين :))

      بس بتعدى يعنى


      دمت بخير

      حذف
  11. فعلا ده الواقع وساعات بتحصل حاجات بتغيييييييييييظ الواحد جدااا وبيضطر انه يسكت احتراماً للأهل لا غير ،، نفسوا اعرف هم بيدخلوا في حاجات لا تخصهم من قريب ولا بعيد لييييييييه ،،
    ربنا يعين بقى
    تحياتي

    ردحذف
    الردود
    1. بيقولوا بنت الباشا معرضه لان ابن الجناينى يتقدملها :)
      يعنى المواقف عاديه المهم فى النهاية هى متوافقش غير على اللى يناسبها

      ربنا يعينا صح :)

      دمت بخير يا ميمى

      حذف
  12. السلام عليكم

    عافاك الله من أصناف هؤلاء البشر!!
    فعلا منتهى الوقاحة والانحطاط الفكري والتخلف المعاملاتي

    رزقك الله الإنسان الذي يستحقك فعلا وجعله قرة عين لك صديقتي رؤى

    ردحذف
    الردود
    1. الصراحة الست خدت شتيمه هنا بعمرها فشيتوا غلى هههههههههه

      يارب امين يا حبيبه واياكى والبنات جميعا :))

      دمت بخير

      حذف
  13. اعتقد ان هذه الامور فى طريقها الى الانقراض وان كانت ظاهرة فى اوساط الدنيا

    ردحذف
    الردود
    1. مفهمتش تقصد ايه حضرتك بأوساط الدنيا

      لكن معتقدش انها هتنقرض لاتزال موجوده بأشكال مختلفه

      كله عايز عروسه بتعرف تعمل محشى :)

      دمت بخير عمو
      وعلى فكرة مشة عارفه ادخل مدونت حضرتك فيه مشكله

      حذف
  14. يامن رأيتَ الذهبَ الخالص تبحثُ فيه عن بقعة سوداء ..
    ما كان في الذهب من بقع لكن في عينيكَ نقطةً عمياء..
    اللؤلؤ والمرجان لا يخفى على بصرٍ .. لكنك كنتَ والضريرَ سواء ..
    ما العمى بالبصر عيبٌ تستعابً به .. لكن كل العيب ببصيرةٍ عمياء ..
    أما علمتَ أن الشمس مشرقةٌ .. حتى وأنت محاطٌ بليلةٍ ظلماء ..
    ما غابت الشمس عن الدنيا مغادرةً .. ولا زالت مشرقةً في عرض السماء ..
    مُرِّي أُخية مرور الكرام ولا تقفي .. فهكذا هو الكريم إذا مرّت به السفهاء ..
    حفظتِ الكرامة لأم الكرام بصمتك .. وأما السفيهةُ فحسبها من نفسها ذاك الغباء ..
    المرء بأصغريه قلبه ولسانه .. فالقلب طاهرٌ واللسان منك بهاء ..

    دمت بألف خير وأبعد الله عنك السفهاء والأغبياء ..
    مع التحية الطيبة ..

    ردحذف
    الردود
    1. الله على الكلام الجميل مش عارفه اضحك ولا ادمع بجد

      اولا حمدالله على السلامه
      وسعيده بالتعليق هنا جدااااا


      دمت واسرتك بخيييييييير

      حذف
  15. مسرحية كوميديه جسدتيها بصورة مارى منيب قبل ان تتكلمى عما دار فيها
    معلش بقى يا رؤى بتحصل فى احسن العائلات هههههههههه
    بس انا مش معاكى فى سكوتك
    تحياتى لكى اختى العزيزة

    ردحذف
  16. عارفة ايه المشكلة
    ان الام اللي بالشكل ده
    مابتعرفش تطلع رجل سوي يصلح للزواج
    عادتا بيكون طفل مدلل
    لايعلم اي شئ عن الزواج او الرجوله او تحمل المسؤلية
    بيبقا مستني
    ماما ترجع له بالعروسة اللي اتفحصت كويس ولا اللي بيشتري عربية
    معلش ارمي ورا ضهرك
    :)

    ردحذف
    الردود
    1. صحيح جدا

      لكن كمان فيه اهل بيروحوا يجوزوا ولادهم بس عشان عايزين واحده تخدمهم بشرط ان الواحده دى تكون بنت ناس وتعليمها عالى وجميله وميضغطوش فى الطلبات :))

      دمت بخير

      حذف

مرحبا بكل من دخل عالمى