انتى لسه قدامك اد ايه
وبتروحى كام يوم فى الأسبوع
وناوية تشتغلى بقى
بس البيت أهم للبنت
ولو جوزها قالها مفيش شغل يبقى خلاص
وست بيت بقى ولا مكنتيش فاضية تتعلمى الطبيخ ( ضحكة صفرا )
لتكونى فقتى للتعليم ومقضياها وجبات جاهزة ( رفعة حاجب )
ممكن كباية مية يا حبيبتى ( بالضغط على تى )
طبعا مش عطشانه ولا زورت وهتفطس بس لزوم النظر من فوق لتحت
كنتى صايمه السته ... ماشاء الله
وانتى صايمه سايبة ماما فى البيت بقى ولا عادى بتعملى شغل البيت
وبتعرفى تروحى السوق تشترى طلبات وكده
أمال فين اخواتها اشوفهم
طب خدى شوفى الصور دى
ايه رأيك .... لا متتكسفيش لازم تقولى رأيك
( كانت شايفه انه زى القمر والمفروض انى كنت اقولها كده )
بس لما ألحت كان الرد مفاجئ وغلس وأنا عارفه وقاصده
الراجل مش بشكله .. :P
**********
متهيألى نسيت تجيب بندق معاها
ونسيت كمان تقوم تشد شعرى
وكان المفروض اجيب محشى ورق عنب عشان تجربنى
*********
دى قلة أدب
وغباء
إيه الناس دى
وفى الآخر ياريته حاجة تستاهل
منتهى السفاله ان حد ميعرفش يقدر اللى قدامه ويفتكرها شطارة
ومنتهى الغباء إنهم يعتبروا السكوت له معنى غير إنه احترام للأهل مش لهم
********
********
وتأبى الحياه إلا ان تموتنا من الضحك على أصناف البشر قبل أن ينتهى المشهد
ويسدل الستار على عريس وعروسه :)
هو لسه فيه كده ؟؟؟؟؟؟؟؟؟؟؟؟؟!!!!!!!!!!!!!!
ردحذفبلاش أحسن هى ناقصة..
بس الرد ده "الراجل مش بشكله " مناسب جدًا
ضحكتينى والله ..بندق وتشد شعرى هههههههههههههه
ربنا يرحمنا بقى
تعرفى هو الواحد بيبقى بيسكت نفسه عشان احراج الأهل
حذفبس بجد الرد عليهم كان يعرف كل واحد قيمته
يالله بقى
دمت بخير يا حبيبه
هههههههههههههه
ردحذفده عااااااااااادي عاااااااااااادي
وفيه اكتر من كدة
هو البنات لاقيه عرسان
:DDD
زى الهم عل القلب بس يبقى فيهم حد ينفع اصلا
حذفبلا نيييييله
:)
مساء الورد رؤى
ردحذفبالفعل شيء غريب وهذه الأفعال من العصر الجاهلي ولا يليق بزماننا
هذا وأما السكوت فهو خطأ كبير لأن من لا يحترم أهلك ويحترمك ويتحدث
بلباقة في موضوع حساس مثل هذا فهو يستحق الطرد وليس الرد والغريب
أن كل أم تظن أبنها فارس زمانه ولا يوجد له مثيل وأن المختارة محظوظه
لأن العين رفت عليها !!!!
تحياتي وإحترامي
مساء الخير يا فارس
حذففيه مثل بيقول ان البنت بتتعرض لأى موقف وأى حد ممكن يدخل يطلبها بغض النظر عن مستواها
الرد بيكون الرفض
لكن فى نظرى ان اللى تدخل بيت مش أده بيبقى غلط فى حقها هى
ما علينااااا ادى اللى صار
دمت بخير
هههههههههههههههههههههه
ردحذفاللي بيعيش ياما يشوف
ولا بدك تعشقي وتتمعشقي زي الصايعين اللي ما إلهم أهل عرفوا يربوهم
يا هيك الزواج عنا يا بلاش
هههههههههههههههههههههههههههههههه
"أنا بهزر بس"
هههههههههههههههههههه
شر البلية ما يضحك
والله يا نسرين ساعات يغييييظ وفى الآخر بنضحك عشان نعديهااا
حذفإلى ان يقضى الله امرا كان مفعولا :)
بكرة تشوفى اشكال والوان لما البنات يكبروا ههههههه
دمت بخير
للأسف واقع مؤلم
ردحذفمعلشى يا رؤى ولا تزعلى نفسك
كبرى دماغك .. اعتبري نفسك بتكسبى ثواب
والله يمكن امبارح كنت مخنوقه من الموقف
حذفبس النهرده قررت اكتبه واضحك عليه :)
واللى يعيش بقى
دمت بخير
للاسف في ناس كده واكتر من كده
ردحذفربنا المستعان عليهم
تحياتي
فعلا كتير اوى
حذفوبقت حاجة تخنق بس اهو بقى ربنا يصبرنا
اوعى تعملى حما بعد كده :))
دمت بخير
ههههههه لسه بدرى ياما هتشوفى من مهازل وعجايب
ردحذفانا حزينة جدا من امور بتحصل فى مسألة الزواج وتتفسر انها من الشرع والاسلام برىء منها تماما
احترام الانسان وعقله من الاسلام
رزقك الله حبيبتى الزوج الصالح والذرية الصالحة وكفاك شر الحما ( القاسية ) هههههه
تحياتى وتقديرى
من ناحية الحزن صحيح هى حجات مبتمرش بسهوله ولكن .....
حذفبنهونها عشان تهون
شكرا لدعائك الطيب
بس تفتكرى بعد ما يجى مش المفروض نحاسبه على الاشكال اللى سابهم يغيظونى كده :)
الله المستعان
مساء الغاردينيا رؤى
ردحذفههههههههه
بحد ضحكت تخيلت مامة فارس بتديني بندق
ولاتسد في شعري
بس عارفة لو سألتني ايه رأيك في العربس
حقولها حبببي ههههههه"
؛؛
؛
لروحك عبق الغاردينيا
كانت هنا
Reemaas
استعدى بقى يا ريماس يمكن عندكوا حجات تانية هههههه
حذفانا رديت كده وعارفه ان ماما هتتضايق منى بس عشان اتغظت من الحاحها هههههه
ربنا يجمعكوا على خير
دمت بخير
اقولك خيرها فى غيرها يا قمر
ردحذفربنا يرزقك باللى احسن منه
وساعتها نفرق شربات ونعلق الزينات
ان شاء الله خير يا هبة
حذفبس لازم نفك شوية ونضحك على مواقف غبيه بنمر بيها
وحشتينى على فكرة :)
دمت بخير
لازلنا في حاجة الي تعلم السلوكيات رؤي
ردحذفمتهيألى هتفضل دايما فيه نماذج زى كده واكيد كلنا بنمر بحجات تخلينا نقول ايه ده معقول دول لسه عايشين :))
حذفبس بتعدى يعنى
دمت بخير
فعلا ده الواقع وساعات بتحصل حاجات بتغيييييييييييظ الواحد جدااا وبيضطر انه يسكت احتراماً للأهل لا غير ،، نفسوا اعرف هم بيدخلوا في حاجات لا تخصهم من قريب ولا بعيد لييييييييه ،،
ردحذفربنا يعين بقى
تحياتي
بيقولوا بنت الباشا معرضه لان ابن الجناينى يتقدملها :)
حذفيعنى المواقف عاديه المهم فى النهاية هى متوافقش غير على اللى يناسبها
ربنا يعينا صح :)
دمت بخير يا ميمى
السلام عليكم
ردحذفعافاك الله من أصناف هؤلاء البشر!!
فعلا منتهى الوقاحة والانحطاط الفكري والتخلف المعاملاتي
رزقك الله الإنسان الذي يستحقك فعلا وجعله قرة عين لك صديقتي رؤى
الصراحة الست خدت شتيمه هنا بعمرها فشيتوا غلى هههههههههه
حذفيارب امين يا حبيبه واياكى والبنات جميعا :))
دمت بخير
اعتقد ان هذه الامور فى طريقها الى الانقراض وان كانت ظاهرة فى اوساط الدنيا
ردحذفمفهمتش تقصد ايه حضرتك بأوساط الدنيا
حذفلكن معتقدش انها هتنقرض لاتزال موجوده بأشكال مختلفه
كله عايز عروسه بتعرف تعمل محشى :)
دمت بخير عمو
وعلى فكرة مشة عارفه ادخل مدونت حضرتك فيه مشكله
يامن رأيتَ الذهبَ الخالص تبحثُ فيه عن بقعة سوداء ..
ردحذفما كان في الذهب من بقع لكن في عينيكَ نقطةً عمياء..
اللؤلؤ والمرجان لا يخفى على بصرٍ .. لكنك كنتَ والضريرَ سواء ..
ما العمى بالبصر عيبٌ تستعابً به .. لكن كل العيب ببصيرةٍ عمياء ..
أما علمتَ أن الشمس مشرقةٌ .. حتى وأنت محاطٌ بليلةٍ ظلماء ..
ما غابت الشمس عن الدنيا مغادرةً .. ولا زالت مشرقةً في عرض السماء ..
مُرِّي أُخية مرور الكرام ولا تقفي .. فهكذا هو الكريم إذا مرّت به السفهاء ..
حفظتِ الكرامة لأم الكرام بصمتك .. وأما السفيهةُ فحسبها من نفسها ذاك الغباء ..
المرء بأصغريه قلبه ولسانه .. فالقلب طاهرٌ واللسان منك بهاء ..
دمت بألف خير وأبعد الله عنك السفهاء والأغبياء ..
مع التحية الطيبة ..
الله على الكلام الجميل مش عارفه اضحك ولا ادمع بجد
حذفاولا حمدالله على السلامه
وسعيده بالتعليق هنا جدااااا
دمت واسرتك بخيييييييير
مسرحية كوميديه جسدتيها بصورة مارى منيب قبل ان تتكلمى عما دار فيها
ردحذفمعلش بقى يا رؤى بتحصل فى احسن العائلات هههههههههه
بس انا مش معاكى فى سكوتك
تحياتى لكى اختى العزيزة
عارفة ايه المشكلة
ردحذفان الام اللي بالشكل ده
مابتعرفش تطلع رجل سوي يصلح للزواج
عادتا بيكون طفل مدلل
لايعلم اي شئ عن الزواج او الرجوله او تحمل المسؤلية
بيبقا مستني
ماما ترجع له بالعروسة اللي اتفحصت كويس ولا اللي بيشتري عربية
معلش ارمي ورا ضهرك
:)
صحيح جدا
حذفلكن كمان فيه اهل بيروحوا يجوزوا ولادهم بس عشان عايزين واحده تخدمهم بشرط ان الواحده دى تكون بنت ناس وتعليمها عالى وجميله وميضغطوش فى الطلبات :))
دمت بخير