الخميس، 7 فبراير، 2013

عن حفل توقيع كتابى بمعرض الكتاب 2013


أحيانا يكون الشعور الذى نريد تدوينه أكبر وأعمق من أى كلمات يمكن أن نكتبها لنعبر عنه ، وربما تكون الحروف الأبجدية أقل بكثير ، ووحده الخيال يمتلك حروفا أخرى أكثر عمقا وإختلافا .

ربما يكون هذا هو سبب تأخرى فى التدوين عن يوم الأربعاء 30 يناير 2013 ، يوم حفل توقيع كتابى " نظرة من أعلى " فى جناح دار ليلى بمعرض الكتاب ، الحفل كان مشترك مع أستاذ أحمد فتحى وكتابه " عشقك ندى " وهبة باسيونى وكتابها " بانتوميم " لكن للأسف هبة لم تحضر فكانت المشاركة الجميله من ماما زيزى وكتابها " ومضات روح " .

بداية اليوم كانت بذهابى أنا وماما وإخوتى لمعرض الكتاب قبل معاد الحفل فقمنا بجوله سريعه فى المعرض قبل الذهاب لمقر الدار ، وقبل اللقاء بنصف ساعة توجهنا لدار ليلى ،ماما قررت أنها ستظل متفرجة من بعيد وسترانى بين أصدقائى لترى فرحتى من بعيد ورغم إنى وافقتها لكن من داخلى كنت رافضة وقررت أن أضعها أمام الأمر الواقع ، وقد كان والحقيقه شعرت بأنها وجدت روح طيبه جعلتها تندمج معى ومع أصدقائى وأنا فعلا سعدت بهذا الشعور .


 أجمل بداية إنى أشوف ماما زيزى وأعرفها علطول وعرفتها على نفسى خدنا بعض بالأحضان بجد كانت وحشانى معرفش إزاى .أول حاجة قالتهالى إنها جاية بدرى مخصوص عشانى وإنها أخدت نسخة من كتابى من بدرى .

إلتقيت بصديقتى دينا محيى الدين والزميل أحمد فتحى أما أستاذ محمد سامى فكانت أول مرة نلتقى بخصوص كتابى ! رغم أنى تحدثت معه العام الماضى وسألته عن مشروع النشر لمن يستحق ، لكن القدر أن أكون من كتاب الدارهذا العام وعلى مدار الفترة الماضية كان النت والبريد هما الوسيلتان المستخدمتان بيننا للمضى  فى مراحل نشر الكتاب وكان هذا هو المتاح بالنسبة لى لبعد المسافة وعدم تمكنى من النزول للقاهرة إلا للضرورة .

لأول مرة يكون للإنتظار طعم آخر فكل لحظة إنتظار قبل موعد الحفل كان هناك ظهور مميز لأحد الأصدقاء الذين تعرفت عليهم جميعا رغم أنها أول مرة نلتقى ، فكان حضور مميز أسعدنى جدا وزاد من بهجة اليوم . فقد رأيت فاطمة ماضى " صاحبة الاصوات الخفية " وكنت قد تعرفت عليها من قبل فى حفل كتابى بمكتبة ألف ، تعرفت على دينا ممدوح " صاحبة قصاصات أنثوية " ،  وياسين سعيد " صاحب دائرة المجهول " مع الجميلة داليا مصطفى والتى تعرفت عليها فى موعد حفل كتابها وياسين .وحبيبة قلبى وصديقتى البشوشة ماهينور .

الحضور الذى أسعدنى جداااا كان حضور أستاذ إبراهيم رزق والأمورة " جدا " ساليناز 
وهو من أعلمنى أن د. شيرين سامى ستأتى لكن متأخرة قليلا ( عندما عدت للمنزل بعد يومين وجدت رسالتها بأنها ستتأخر ) إنتظرتها وكنت فى حالة من البهجة غمرتنى بأنى رأيتها وأخذت توقيعا على كتابها الذى أحتفظ به من العام الماضى هو وكتاب ضوء أسود للزميل مصطفى سيف الذى كنت أتمنى أن نتبادل التوقيعات ، لكن ربما يجمعنا لقاء آخر فى حفل آخر .قابلت أيضا الزملاء أستاذ محمد صلاح زكريا " صاحب سبحة وكاس" ،  و د . محمد الزحاف " صاحب حتى يسكن العرش " ، الصديقة الودودة مروة زهران " صاحبة لحظات تأمل " ، د . إسماعيل حامد " صاحب سرداب الجنة " عن دار الحلم ، والصحفى الأستاذ فتحى المزين وروحه المرحة والجميلة أمل زيادة " صاحبة الكهف "  .

أما عن الإتصال الذى لا أستطيع كيف أن أعبر عن شعورى بمدى الإمتنان والوفاء لصاحبته فهو إتصال " شمس النهار" ومباركتها لى على كتابى وحديثها عن أنها كانت تنوى الحضور لكن حدثت ظروف فى العمل منعتها عن الحضور ، وبخصوص هذا الإتصال أود شكر من أتاح لى هذه الفرصة بلفته رقيقه منه " أستاذ إبراهيم رزق " .شكراااااا .

عن الذين كنت أود مقابلتهم فعلا عمو فاروق فهمى وهبة وكارولين ، فاتيما ، ليلى الصباحى ، أستاذ خالد زين  ،وأسامة أزهرى وأصدقاء كنت قد تعرفت عليهم فى كورس تنمية بشريه منذ فترة ، كثر هم من كنت أريد مقابلتهم والتعرف عليهم فى الواقع لكن أعلم أن الظروف حالت بينهم وبين الحضور وأتقبل أعذارهم وكلى أمل أن يجمعنا القدر فى يوم آخر إن شاء الله .

أما عن الغائبات الحاضرات منى ياسين " صاحبة خبايا نسائية " وآية حامد " صاحبة حالات مفردة " وسماح المزين " صاحبة فى ثنية ضفيرة " وإمتياز النحال " صاحبة حد الوجع " فكلهن قد أخذت صورا مع كتبهن وإقتنيت نسخا لعلى يوما ما أحظى بتوقيعن عليها .


***********


أما عن أهم الحوارات الجانبية المتعددة التى أمتعتنى جدا حوارى مع ماما زيزى وأستاذ إبراهيم حول هواية الكروشيه والريف وكتابتى عنه ووعد من ماما زيزى إنها تحضر فرحى إن شاء الله ووعد من أستاذ إبراهيم أن يحضر مناقشتى رسالة الماجستير ( الحقيقه نفسى أديهم الفرصة إنهم ينفذوا وعودهم ) ^_^ .

حوارى مع صديقاتى مهينور ودينا وفاطمة ومروة ودينا وشيرين وماما زيزى .بجد كنت سعيدة ومنطلقه جدا وهذا ما ظهر فى صورى ^_^ .

قبل معاد الحفل كان هناك تصوير من إحدى القنوات تتجول فى المعرض وكان من الرائع أنها إستضافتنا فى حفلتنا أنا وأحمد فتحى وإنضمت لنا ماما زيزى ، كل منا تحدث عن كتابه . أجمل حاجة إن الكاميرا أمامى وأنا أتحدث لكن عينى كانت موجهه لماما ! ربما لأنى أرى نفسى بعينها . مهما حاولت أن أنكر أو مهما حاولت هى أن تنفى شعورها بذلك .

من الأمور التى كانت من صنع القدر الجميل جدا أننا قابلنا دكتور نبيل فاروق وأهديناه كتبنا بعد توقيعها
أظرف تعليق سمعته عن إسم كتابى كان منه لما قالى " نظرة من أعلى دى ألاطة يعنى " ورغم أن محتوى الكتاب وشخصيتى أبعد ما يكون عن معنى الـ الألاطة لكن فعلا التعليق شدنى جدا وضحكت أوى .


*********


ذهبنا لدار الحلم لحضور حفل توقيع " سرداب الجنة " لـ  د . إسماعيل حامد ، 

وأيضا لأخذ صورة جماعية مع كتابنا " حكايات " .
وفى اليوم التالى كان لقائى على قناة النيل الثقافية ( ولى حديث منفرد عن هذا اليوم ) 


ذهبت فى اليوم الثالث لى فى القاهرة وأخذت صورة مع كتابنا " نوافذ مواربة " فى دار الأدهم .


*********

جولة مع الصور يمكن تحكى اللى مقدرتش أحكيه أنا ويمكن تنقل مشاعر معرفتش أنقلها بالكلام 





( فى دار الحلم مع كتابنا حكايات )


( مع الأم الحنونه ماما زيزي ) 



( مع أستاذ أحمد فتحى وماما زيزي وأنا بجرب المايك وكان نفسى من زمااان أعمل تس تس )

( مع ماما زيزي والصديقة الجميلة أمل زيادة ) 





( مع أستاذ أحمد فتحى وأستاذ محمد سامى ) 


( د . إسماعيل حامد ـ ياسين  وداليا )


( أثناء الحوار )





( د . محمد الزحاف ,أستاذ محمد صلاح ، د . نبيل فاروق وأنا وماما زيزي ) 


( مع الودودة مروة زهران ) 


 ( فاطمة ماضى ودينا ممدوح وأنا وأخى الأصغر أحمد ) 

 ( مع د . نبيل وماما زيزي )


 (مع د . شيرين سامى وصديقتى مهينور وماما زيزى والجميله ساليناز )


 ^_^ 



 ( مع كتاب حد الوجع للصديقة إمتياز النحال )


( د. إسماعيل حامد ، د . شيرين وفاطمة ماضى وأ . فتحى المزين وأنا ود . محمد الزحاف ، أ . إسلام فتحى )



كتب أستاذ أحمد المسلمانى و د . أحمد خالد بجوار كتابى 
حظهم بقى ^_^

 ( مع كتاب حالات مفردة للصديقة آية حماد ) وطبعا وقعت عليه :)


 ( مع كتاب خبايا نسائية لمنى ياسين )

 ( مع كتابى وكتاب البحر لا يحمل سوى الموتى للزميل هيثم النوبى )


( مع كتابنا نوافذ مواربة )




هناك 39 تعليقًا:

  1. الله يا رورو :)

    اتسعت ابتسامتى فى كل فقرة .. شعرت بإحساسك وقتها
    وعجبنى جداً التلقائية المميزة فى السرد
    وضحكنى أوى تعليقك على رغبة ماما زيزى وأستاذ إبراهيم :)
    ( الحقيقه نفسى أديهم الفرصة إنهم ينفذوا وعودهم )

    وتعليق دكتور نبيل مميز فعلاً وخصوصاً وأنا متخيلاه وهو بيقوله ^_^

    حتى الصور حاسة إنى بشوفها لأول مرة :)
    أبهجتنى التدوينة جداً

    وأسعدنى اقتنائك لكتابى ومن أجمل الصور اللى وصلتنى بجد صورتك معاه♥

    ملحوظة : ألوان المدونة بقت أحلى :)

    ردحذف
    الردود
    1. منورة يا منى :)
      شكرا لاطراءك عادة بكتب من غير براجع بكتب اللى بيجى فى بالى واللى بحسه :)
      يمكن عشان كده بيوصل بنفس الطريقه

      وشكرا لملحوظتك عن الالوان كنت محتاجة تشجيعه الصراحة هههههه

      دمت بخير

      حذف
  2. الف الف مبروك

    و عقبال الكتاب رقم 100
    م عقبال الماجستير و الدكتوراه
    و عقبال ايه تانى يا ابراهيم
    ايه تانى يا ابراهيم
    اسالى ماما يمكن تفكرك
    طبعا مش عقبال لكلوك ساليناز و سولينا
    اع افتكرت هى دى حاجة تتنسى
    عقبال الفستان الابيض يارب

    تحياتى

    ردحذف
    الردود
    1. ربنا يبارك فيك أستاذ إبراهيم
      أسعدنى حضوركم بجد

      ويارب عقبال كل الحجات اللى فوق وتكون من تحت لفوق :)

      دمت بخير

      حذف
  3. مبرووووووووك وربنا يوفقك كان يوم جميل فعلاً وكنتو منورين مصر كلها

    ردحذف
    الردود
    1. شكرا وسام
      القاهرة فعلا منورة بس ربنا يعدل الحال


      دمت بخير

      حذف
  4. مبروك يا رورو الف مبروك والله فرحانه ليكي جدا
    ربنا يسعدك غاليتي
    كنت اتمني اكون هناك واشوفك بس والله ظروفي لا تسمح
    ان شاء الله يكون لنا لقاء في يوم ما
    الف مبروك مره ثانيه
    تحياتي وتقديري

    ردحذف
    الردود
    1. انا أقدر الظروقف وان شاء الله يكون فيه لقاء مرة تانية

      ربنا يبارك فيكى كارولين :)

      دمت بخير حبيبتى

      حذف
  5. الأخت الكريمة: رؤى
    مبروك الكتاب وإن شاء الله تستمر مسيرة العطاء مكللة بالتوفيق والنجاح
    وأحييك على أسلوبك الرائع فى التعبير عن الحدث ومادار من خلاله بأسلوب شيق ورشيق

    تقبلى خالص تقديرى واحترامى
    بارك الله فيك وأعزك

    ردحذف
    الردود
    1. مرحبا بحضرتك أستاذ محمد
      الله يبارك فيك
      وشكرا لإطراءك

      دمت بخير

      حذف
  6. ألف الف مبروك يا رؤى وديما يارب فى تألق وتبهرينا بكتاباتك وديما مع بعض بسعادتنا بأبنائك (كتاباتك) ومستنين اللي بعده ان شاء الله

    ردحذف
    الردود
    1. الله يبارك فيكى حبيبتى :)
      وامين يارب ربنا يسمع منك

      دمت بخير

      حذف
  7. والله يا رؤى احنا كمان كان نفسنا نشوفك يا قمر بس الايا م جايه كثير وان شاء الله نشوف بعض
    الف الف الف مبروك حبيبتى تستاهلى كل خير وربنا يفرح قلبك كمان وكمان
    وان شاء الله تتحقق امنياتك كلها
    بس مش عارفة فى نظرة حزن رغم انك بتبتسمى ربنا يروقك حالك حبيبتى

    ردحذف
    الردود
    1. الله يبارك فيكى يا هبة
      امين يارب كلنا نحقق احلامنا

      نظرة الحزن لن تخفيها الابتسامات :)

      لكن فعلا اليوم كان فاصل جميل

      دمت بخير

      حذف
  8. مليون مبروك حبيبة قلبى ويارب عقبال كل سنة مع كتاب جديد اجمل واقيم من سابقه

    سامحينى يارؤى والله ظروفى تحول دون اللقاء يعلمها الله ويعلم كم اشتاق للقياكم جميعا لكن قدر الله نافذ دائما

    ومع وصفك للحفلة انت وباقى الاصدقاء اللى كتبوا عن حفلاتهم كأنى كنت معكم واشارككم الفرحة والتجمع الرائع يارب تدوم سعادتنا كلنا ويارب يارب تتم بان يعم الامن والسلام كل مصر ونرجع تانى فى هدوء وسكينة

    مليوووووووون مبرك حبيبتى و انت جميلة وصورك اجمل وقلمك راقى وتستحقى كل شىء جميل :)

    تحياتى لك ولكل الاصدقاء بحجم السماء

    ردحذف
    الردود
    1. ربنا يبارك فيكى لولو
      واقبل العذر لعل الله يجمعنا قريبا

      وشكرا على اطراءك :) من زوقك طبعا


      دمت بخير حبيبتى

      حذف
  9. زى القمر يا رؤى كنت اظن ان للدنيا قمر واحد فخاب ظنى وتاكدت ان هناك قمرين قمر فى السماء وقمر فى الارض
    خسر كل من لم يحضر هذا الحفل واولهم العبد لله
    وسلامى ايضا الى الاخت الفاضلة المنورة فى الصور الصديقة الوفية الحميمة زينب صادق (زيزى )

    ردحذف
    الردود
    1. عمو فاروق ومين يشهد لبناته :)
      بعد الشر عنك من الخسارة لكن على أمل اللقاء إن شاء الله

      دمت بخير

      حذف
  10. لى رجاء يا رؤى ان تزيلى تحت كل صورة اسماء اصحابها

    ردحذف
    الردود
    1. تم فعلا
      كنت ناوية اعمل كده واعدل لكن امبارح نزلت الموضوع بسرعه

      :)

      حذف
  11. الف الف مبرووووك يا رورو
    مبسوطة إنى شوفتك اوووووووووووى
    ربنا يوفقك يا حبيبتى وعقبال الكتاب الـ 100 يارب ^^

    ردحذف
    الردود
    1. الله يبارك فيكى دودو
      ومبروك ليكى كمان
      بجد كنت سعيدة انى اشوفك
      ويارب دايما نتقابل فى الفرح
      دمت بخير

      حذف
  12. ألف مبروك
    أسأل الله أن يديم عليك السعادة
    وينفع بعلمك
    تحياتى المعطرة

    ردحذف
    الردود
    1. الله يبارك فيك
      امين يارب وان يديمها على اصدقائنا وبلادنا

      دمت بخير

      حذف
  13. الف مبرووووك و يارب مزيد من الكتب و النجاحات :)))
    ربنا يسعدك
    تحياتي

    ردحذف
    الردود
    1. ربنا يبارك فيكى
      :)
      شكرا لدعائك ولك مثله امين


      دمت بخير

      حذف
  14. الف مبرووووك يا حبيبتى
    وان شاء الله نتقابل قريب واوقعلك كمان
    وميرسى جدا جداااا على الصورة والتوقيع
    وعقبال كتابك ال 100 ان شاء الله

    ردحذف
    الردود
    1. اية حبيبتى اصلا فيه ترتيب ان شاء الله ننفذه بعد شوية هيكون رائع لو تم هقولك عليه
      حفلة مشتركة لكتاب المنصورة وطبعا انتى معانا وده هيكون اسهل علينا كلنا من القاهرة

      ومش هتنازل انى اخد توقيعك انتى

      دمت بخير

      حذف
  15. طبعا مليون مبرووووك رؤي من نجاح لنجاح اكبر بأذن الله

    ردحذف
    الردود
    1. الله يبارك فيك استاذ خالد
      امين يارب

      شكرا لك والمرة الجاية تكون افضل ان شاء الله

      دمت بخير

      حذف
  16. بالتوفيق يا رؤى ...

    الحمد لله مروري الأول من هنا تزامن مع الاحتفال بانطلاقة كتابك الأول
    سيكون لي مرور ثاني وثالث ورابع ... ان شاء الله
    واتمنى في كل مرور أن تكوني من الأفضل إلى الأفضل

    كل الود

    ردحذف
    الردود
    1. مرحبا بك :)
      يارب امين تكون فيه دايما حجات جديدة سعيدة
      فى وسط اللى بيحصل فى بلدنا محتاجين كتييير عشان نتوازن نفسيا

      دمت بخير

      حذف
  17. بالتوفيق عزيزتي رؤى.

    سرني ما قرأته هنا عنك وعن اخبارك.


    لك تحياتي.

    ردحذف
    الردود
    1. جزاك الله خيرا اخى

      دمت بخير

      حذف
  18. الف مبروك يا رؤى و ربنا يوفقك دايما
    كان نفسي طبعا اكون موجود بس معلش
    تتعوض

    ردحذف
    الردود
    1. د . مصطفى
      مبروك ليك كمان
      وكان نفسى اكون موجوده برضه :)

      تتعوض بقى


      دمت بخير

      حذف
  19. الف مبـــــــــروك يارؤى

    وان شاء الله من نجاح لنجاح

    ونشوف دايما كتبك منوره المعرض

    تحيـــــــــــــاتي

    ASMAA FATHY

    ردحذف
    الردود
    1. الله يبارك فيكى اسماء
      نورتى المدونة

      دمت بخير

      حذف
  20. بالصدفة بدور فى جوجل، فلقيت التدوينة دى فى وشي.
    الله على كمية الابتهاج والبسمة!
    تقريبا عدى تلت سنين لكن كل تفاصيل اليوم حاضرة قدام عينى.
    خصوصًا لما بهمس فى دردشتى الجانبية مع زملا، لكن مع نبرة صوتى الجهورية كان همسى معناه تشويش على الموجودين فى دايرة نص قطرها 7 متر.
    فكنت همشى لما لقيت البعض اتضايقوا، لولا زميلة نادت: تعالى خد هنا.. رايح فين؟
    :D
    فيه ايه أجمل من التدوين اللى بيخلينا نوثق لحظاتنا الجميلة؟ وفيه ايه أجمل من روحك الطيبة يا رؤى اللى أضافت كتير لليوم ساعتها!

    ردحذف

مرحبا بكل من دخل عالمى