الاثنين، 18 فبراير، 2013

حدوتتنا





كان ياما كان كان فيه اتنين


واحد غبى والتانى فاسدضد بعض على الملأ 

لكن ساعات كانت المصالح تحكم ان الغبى يمشى ورا الفاسد

وكل مرة الغبى ياخد على قفاه من الفاسد وبكلمتين يرجع تانى 

ميتعلمش 

فى يوم من الايام الناس قامت على الفاسد فقام معاهم الغبى 

يهتف ولأن الغبى أنصاره كتير مسك مكان الفاسد والناس قالت أهو 

تغيير وأحسن الوحشين 

لكن أنصار الفاسد تعالب مش ممكن هيسيبوا الغبى ياخد مكانهم 

بسهوله 

ومن يومها مش وراهم غير توريطه وغبائه مساعدهم إنهم يقلبوا 

الناس ضده 

ويعينى على البلد والناس لما يقعوا فى إيد فاسد وغبى 

توته توته خلصت الحدوته


.

هناك 18 تعليقًا:

  1. اسأل الله تعالى ان نتخلص نهائيا من كل فاسد وغبى وان يولى علينا الصالحين


    نسأل الله السلامة يارؤى والصورة اصبحت ضبابية و غير متزنة وقلوبنا تعبت من كل شىء

    تحياتى بحجم السماء

    ردحذف
    الردود
    1. اللهم امين اللهم خلصنا
      هى فعلا ضبابيه جدا لكن الله قادر على كشفها

      دمت بخير حبيبتى

      حذف
  2. أظن أن حتى الغبي قد تكون له مبرراته التي يراها منطقية..
    وقد لا يكون غبيا بل توهمناه كذلك.

    تلميح محكي بقالب رمزي.
    تحية لك أختي رؤى

    ردحذف
    الردود
    1. صحيح هو ممكن ميكونش غبى لكنه بيستعبط ليتمكن من تحقيق اهداف معينه خاصة به

      انجانا الله منهم

      دمت بخير اخى

      حذف
  3. لا حول ولا قوة إلا بالله ..
    والمعادلة الصعبة اليوم ..
    من الذي نفضل المسير خلفه بينهما ؟؟
    تحيتي وتقديري

    ردحذف
    الردود
    1. نعم المعادله صعبة لكن لابد لها من حل

      لا نفضل ايهما واكيد هيكون فيه حل تالت

      دمت بخير

      حذف
  4. هذا ابتلاء لا الفاسد هيسود ولا الغبى هيدوم كلاهما مر ولكن اخفهما مرا الفاسد لان الفاسد يعرف الصح والغلط ويمكن يقوّم انما الغبى لا عارف الصح من الغلط والآخر نجد الجميع غرقانين
    قصة تحمل معانى عميقه والحدق يفهم

    ردحذف
    الردود
    1. هو فعلا ابتلاء او هو بلاء بما كسبت ايدينا
      ربنا يسترها علينا وعل البلد من الاتنين
      كلهم بيخربوا

      دمت بخير عمو

      حذف
  5. احنا تعبنا من الاتنين
    وربنا يتولانا والله
    مصر اصبحت تتحمل فوق
    طاقتها
    ربنا معاها ومعانا
    تحياتي

    ردحذف
    الردود
    1. يارب يا كارولين بجد الموضوع كل يوم بيزيد عن حده
      معرفش هنفضل كده لامتى
      لعل الله ينقذنا


      دمت بخير

      حذف
  6. البلد بجد اتبهدلت
    مش عارفين اية الي هيحصل بكرة ولا حتي كمان شوية
    ربنا يستر

    ردحذف
    الردود
    1. احنا دايما مش عارفين بس حتى الاحتمالات بقت كلها سلبية للاسف وده عامل احباااااط وكآبة بتزيد كل يوم عن اللى قبله
      هنعمل ايه غير الخوف والدعاء

      دمت بخير رحاب

      حذف
  7. ياروءة انتى بتقلبى علينا المواجع ليه ماكفاية يابنتى ربنا يستر وينقذنا ممافيه بس برضه فيه امل طولل مافى شباب زى الفل

    ردحذف
    الردود
    1. والله هما مش سايبنها تهدى اصلا بيقلبوها باستمرار
      ربنا يهون علينا

      دمت بخير همسة

      حذف
  8. صباح الغاردينيا يارؤى
    ربنا يكفينا شر الغباء والفساد
    وربنا يحمي مصر يارب
    وحشتيني يارورو :)"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. صباح الورد ريماس

      يارب احمى المسلمين وبلادهم فى كل مكان
      ما نحن فيه فتنه اخرجنا الله منها سالمين


      دمت بخير

      حذف
  9. وان لله وان اليه راجعون

    غبي وفاسد هيودينا في داهيه
    فاسد وناصح وذكي مش هيودينا في دهيه
    علشان عارف ان كل مانجح جت فلوس

    ربنا يرزقنا بالقوي الزكي الامين

    ردحذف
    الردود
    1. الفاسد مكنش عايز غير مصلحته ومش مهم الباقى
      والفلوس كانت بتيجى بياخدها لوحده والناس جعانه

      الاتنين وباء ربنا يخلصنا منهم


      دمت بخير

      حذف

مرحبا بكل من دخل عالمى