الاثنين، 5 مارس 2012

عن رحلتى 2

  تمر الأيام ولم يبقى سوى القليل لأعود لبلدى ... محمله بأشياء ... وتاركة لأشياء .. أو هكذا أظن

ولعلى فعلا أكون تركت ما أظنه فسعادتى بتركها ربما تفوق سعادتى بما أحمله

لا تزال بعض المعانى كما هى لم تتغير ... ولا يزال الإنتظار وإحساسه الدائم ... لا يزال الإنتظار رغم الوصول لبعض ما أريد ...

ولا زلت أتسائل عن سبب دوام هذا الشعور رغم ما كان وما تحقق ... أتسائل وأعلم الإجابه ... لكننى أخشاها ... وأخشى أن يظل نفس الشعور حتى وإن تحقق الشرط !!! لكن ربما وقتها أعلم أن هناك شيئا ما غير طبيعى بداخلى ويحتاج المساعده للخروج من الدائرة المغلقة التى رسمها الإنتظار وأغلقتها الأمانى ..


*************

    أعود لرحلتى وللأماكن االتى أعجبت بها ... بالأمس ذهبنا للعين مرة أخرى لكن هذه المرة كانت مختلفه .... فقد رأينا مكان رائع به عيون طبيعية وسط الجبل المليئ بالخضرة الساحرة ... المكان يسمى المبزّرة الخضراء

جبل ونخل وخضرة ومياه جارية دافئة ... كلها طبيعه .. ورغم بعض التدخلات البشرية إلى أنها مازالت تحتفظ بسحرها الطبيعى
ربما فاق جمال المكان جمال أكبر حديقة ورود بالعالم والتى دخلت موسوعة جينيس هناك فى العين أيضا..

   ولا تزال دبى صاخبة ومليئة بالحياة أكثر من أى إمارة أخرى ... لكن كل واحدة منها تحتفظ بشئ ما يميزها عن الأخريات ...
شعرت بالراحة فى الشارقه أكثر من أى مكان آخر ... ربما لطابعها العربى والوجوه العربيه واللهجات كذلك ..

  باقى من الزمن أيام وأعود ومن الآن بدأت فى ترتيب الحقائب التى زاد وزنها عن المسموح :) ... سأعود للبيت .. والكلية ... وجو مصر ... سأعود لما فيهم من حلو ومر ... فلابد دائما من بعض الرجوع ... وليس دائما يمكننا القول ما أحلى الرجوع إليه...


سأعود ثانية لأكمل الحديث عن رحلتى 

سيكون هناك صورا 

وخواطر فى البعد 





هناك 10 تعليقات:

  1. رؤي
    مش عارفه حاسه نبره صوتك حزينه
    اقولك احساسي بصراحه ...
    حاسه جواكي حاجه بتهربي منها
    او عايزه تنسيها مش عارفه
    سافرتي بعيد ولسه جواكي نفس الحاجه
    بتحاولي تستمتعي بحياتك بس خيالها مش بيروح من بالك
    عشان كده بتحكي وانتي عينك علي المكان وقلبك وروحك مش في الحكي ال بتحكيه
    مش عارفه احساسي صح ولا غلط بس مش حاساكي مبسوطه
    بتمني تقضي ايام حلوه الايام ال باقيه
    اقولك علي حاجه ما تستكتريش علي نفسك الفرحه وعيشي يومين جايز ما يتعوضوش تاني
    البلد من حكيك روعه اتمني ازورها في يوم
    ولتمني اشوفك هناك
    تحياتي

    ردحذف
  2. سعيد بسعادتك و فرحتك
    ربنا يجعل كل ايامك سعيدة
    و ترجعي لمصر بالسلامة ان شاء الله

    ردحذف
  3. ترجعي بالف الف سلامة
    ان شاء الله

    ردحذف
  4. وصف مقدرش اقول ان كلامك غلط
    انا فعلا فيه حجات جوايا مش عارفه اتخلص منها بس كمان الرحله دى ساعدتنى شوية ومبسوطه بيها وبتفسح
    تصدقى انى متضايقه لانى مش باين عليا الفرحة اللى اخويا كان متوقعها بس انا كنت عارفه نفسى لو تفتكرى كتبت كل اللى انا حساه دلوقتى من قبل ما اسافر

    لكن
    لعل الله يحدث بعد ذلك امرا انا حاسه بكده برضه بيقولوا تغيير الاماكن خير

    ومتقلقيش انا كويسه لكن هنا بتكلم بطريقه غير اللى بتكلم بيها مع الناس هنا اللى حاسينه بيطلع زى ما هو

    يارب اقابلك هنا :)


    د مصطفى ... ربنا يخليك ان شاء الله الرجوع قريبا

    شمس النهار سعيدة بوجودك هنا ويارب تكونى بخير ... الله يسلمك من كل شر

    ردحذف
  5. صباح الغاردينيا رؤى
    دائماً مانسافر محملين بـ الذكريات نتمنى تركها في مكان ما والعودة دونها ولكن للأسف هي ترافقنا أين ماغادرنا وتتبع خطوات السعادة لتذكرنا أن هناك ألم ما لازال مخبأ في جيوب الذاكرة "
    ؛؛
    ؛
    كوني بخير
    وسـ نكون في أنتظارك
    لروحك عبق الغاردينيا
    كانت هنا
    reemaas

    ردحذف
  6. صباح الفل عليك يا ريماس

    كلامك صح فعلا مفيش فايدة مبتسبناش

    ان شاء الله نلتقى دائما ايا كانت الأماكن او الحدود

    دمت بخير

    ردحذف
  7. السلام عليكم
    جميل ان الواحد يغير ويشوف مناطق جديدة ويستمتع..
    أرجو إنك تكونى مبســـوطة ولو فيه أى حاجة ربنا يهونها عليكى ان شاء الله.
    ترجعى بالسلامة...دمت بخير حال.

    ردحذف
  8. حبيبه .. شكرا لك
    اكيد التغيير مفيد حتى لو قاومناه احيانا

    ربنا يهون علينا كلنا يارب

    ردحذف
  9. ربما توقعت شيئا ولم تجدية..

    دعوتي لك بعودا حميداً..

    لك تحياتي...

    ردحذف
  10. ترجعي بالسلامه وبانتظار المزيد من التفاصيل الممتعه والصور...بس حبيت اخبرك اني استمتعت جدا بتفاصيل رحلتك في الجزء الاول ولم يتسنى لي التعليق وقتها.
    سلام يا قمر

    ردحذف

مرحبا بكل من دخل عالمى