الأربعاء، 14 ديسمبر 2011

مدهش إنتخابات 2011



لا شك إن الإنتخابات هذه المرة جديرة بالإهتمام ومليئة بما يستحق الحديث عنه ... 

وغير أن الدوائر كبيرة جدا لدرجة إن معظم الناخبين لا يعرفون كيف يكون الإختيار بين هذا العدد الكبير من المرشحين ... ولأن الدوائر متسعه فلن يكونوا متأكدين من معرفتهم لهذا أو ذاك ومن الأصلح ..!!! 

وحتى لو أن مصائب قوم عند قوم فوائد(و) وكله فى صالح الفئة المنظمة مسبقا واللى نعرفه أحسن من اللى منعرفوش .... 

( معلش نقلب بالعامية شوية ... لزوووووووووم الشئ يعنى )

كل اللى فات ده فله أوى وتمااااااام خالص

لكن الجديد فى المرادى الرموز المثيرة للإهتمام والتى جاء تقسيمها غاية فى الذكاء ( معرفش مين وضعها ؟؟ ) فقد جاءت تلك الرموز ممثله تمثيلا رائعا لأطياف الشعب وحالاتهم وأيضا حسب إهتماماتهم !!!

يعنى ممكن جدا يكون المقصود ( لو متعرفش المرشحين إدى صوتك للرمز اللى يمثلك ويمثل إهتمامك ...... ) ولا أسهل من كده ... ومحدش له حجه هاااا ؟

فى الحقيقه الرموز دى شغلتنى جدااا وفى البداية كنت بحفظ إسم المرشح ورمزه ( نوع من الثقافه يعنى ) ... بس بصراحة لقيتنى بنسى الأسماء خالص !!!! وقعدت أتابع طول الطريق الرموز فقط  يمكن لاقيتها جاذبة للإهتمام أكثر ... وأهى برضه فيها الخير والبركة 

نيجى بقى للتقسيم العبقرى ( طبعا غير المعلن بس على مييييييين جبته ^_^ ) 

* لو كنت مهتم بالرياضة : 
خد عندك 
- كرة القدم 
- شبكة كرة القدم 
- شبكة كرة السله 
- مضرب تنس الطاوله 

* ولو كانت أزمة السكن عاملالك مشكلة : 
فعليك الإختيار بين 
- المنزل .... ولو إخترته ... (هيبقى فيه كماليات مهمه بعد شوية )
أو عندك 
- الكرة الأرضية ... (واسعه وشرحه وبرحه إختاااااااار اللى انت عايزه واسكن فيه )
نيجى بقى لو إخترت المنزل فيه كماليات مش هنسيبك كده شوف ... 
- السلم 
- المنضده 
- الكرسى 
- النجفة 
- الأباجورة 
- المروحه 
- المصباح الكهربائى 
- كشاف الإضاءه ( عشان لو الكهربا قطعت ) 

* وطبعا المنزل مينعش من غير مطبخ منسيوش ده كمان اتفضل ..
- خلاط السوائل 
- براد الشاى 
- الفنجان 
- زجاجة المياة 
- ثمرة الموز 
- ثمرة الجزر
- عنقود العنب
- الديك ( مفيش فرااااااااخ )


* وللناس اللى بيشتكو من أزمة المواصلات ..
- السيارة
- التاكسى 
- الميكروباص
- الأتوبيس
- المركب ( الشراعى )
- السفينه 
- طائرة هليكوبتر
- وكمااااان فيه ونش 0_0 ... وعجلة القيادة البحرية ( او دفة السفينه ) 


* ولأن فيه ناس عندها هوايات فمنسيوش  الطيور 
- الهدهد
- الطاووس
- النسر 
- الفراشة
وفيه الريشه كمان :)) 

* وبرضه لأن فيه ناس مهتمه بالتاريخ ..
- تمثال رمسيس
- تمثال أبو الهول 
- نفرتيتى
- القلعه 
- البرلمان !!! ( كله ؟؟ )
- الهرم 
- المسلة

* وأنواع أخرى من الهوايات والتسالى ..
- الكتاب المفتوح ( لزوم الثقافة مينفعش مقفول ) 
- البايب ( لزوم الكيف ) 
- زهرة الطاوله ... ( اتصرف انت بقى فى الطاولة نفسها ) 

* ولأن فيه ناس مهددين والبلطجية كترو وملو البلد ولازم ندافع عن نفسنا 
- المسدس 
- البندقيه 
- العصا 
- السهم 0_0

* وكان للجمال أيضا نصيب ...
- النظارة الشمسية 
- خاتم
- بوكيه ورد ( بمبىىىى )

* و المصريين بصراحة معظمهم مشغولين بالحسد ... !!! فكان لازم برضه 
- العين 
- الكف ( خمسه وخميييييييسه ) 

* يوووووووووه طولنا بس استغربت جدااااا ليه نسيو إن الشعب معظمه مريض  ليه مكنش فيه رموز تخصهم مثلاااا
- حقنة الأنسولين
- قرص الأسبرين 
- وحاجة للسكر والضغط ... 


ياللا بقى ممكن المرة الجاية ياخدوها فى الحساب
عملو اللى عليهم وسهلولنا الإختيار تماااااااااااااام 

وجاى على بالى أشكرهم جداااااااااا لأن

عن جد عن جد .. إشيا بتطييييييييير العئل ... بتاخده لوين ما بدرى بس بتاخده 

^-^


.

هناك 5 تعليقات:

  1. اممممم استاذ محمد مرحبا بك بلاش تضحك لو سمحت لأن ده كلام يخصنا احنا بس اللى نضحك عليه

    عارف العصبيات ممكن تلاقينى قبليه جدااااع لى فكرة
















    ههههههههههههههه بهزر أهو كل البلاد العربيه فى الهوا سوااااااااا

    ردحذف
  2. أمة الرحمن ...
    أولاً أنا كنت روحت حذفت ضحكتي علشان أنا ماكونتش باضحك عليكم ده اللي فينا بيكفينا ..
    وبعدين كنت باكتب اعتذار لحضرتك ..
    وكلي على بعضي اتوترت وجسمي بيرجف بسبب حساسيتي اللي متعباني جداً ..
    خصوصاً إني ما بحب إني كون سبب لزعل حد مني ..
    بس بعدييين انتبهت إن كلامك كان ليه تتمة بعد صفحة من الفراغ .. وإن حضرتك بتهزري .. بعد ما كونت حذفت الضحكة ولسه جسمي كله على بعضه بيرجف ...الله يهديكي ..
    المرة التانية أول سطر نبهيني إنك بتهزري .. بعدين اعملي اللي إنت عايزاه ..
    مع التحية ..
    والله ما عدتش عارف اكتب إيه ..
    أصل أنا بدون توتر متوتر أصلاً ..

    ردحذف
  3. هههههههههههههه طيب معلش وبعدين حضرتك تاخد بالك لاخر الصفحة بعد كده عشان متحذفش ولا تتوتر هههه

    بس ايه رأيك فى أسلبى وانا بتريأ واقعيه ومنطقيه مش كده هههههه

    ردحذف
  4. والله تستاهلي 10/10 في واقعية ومنطقية التريأة ..
    حتى وإن كنتُ أقرأ من وراءها .. بكاءً مخفي الصوت ..
    أرجو أن تتغلبي عليه ..
    مع تحياتي لك ..

    ردحذف

مرحبا بكل من دخل عالمى